પત્રિકા કાંડ મામલે પૂર્વ મેયર અને સસ્પેન્ડેડ નગરસેવક વચ્ચે ભારે તુતું મેમેં, અન્ય નગરસેવકોએ તમાશો જોયો

પૂર્વમેયર નીલેશ રાઠોડ સામે પત્રિકા જાહેર કરનાર ભાજપ માંથી સસ્પેન્ડ થયેલા અલ્પેશ લીમ્બાચીયા અને નીલેશ રાઠોડ વચ્ચે આજે પાલિકાની સભામાં જાહેરમાં તુંતું મેમે થતા સભામાં સોપો પડી ગયો હતો. એક સમયે સાથે રાજકીય કારકિર્દી શરુ કરનાર બે મિત્રો હવે એકબીજાના શત્રુ બને ગયા છે ત્યારે બંને વચ્ચે બોલાચાલી થઇ ત્યારે સભા સ્તબ્ધ થઇ ગઈ હતી. અલ્પેશ લીમ્બચિયાએ થોડા સમય પહેલા તત્કાલીન મેયર નીલેશ રાઠોડ વિરુદ્ધ પત્રિકાઓ પોસ્ટ કરાવીને તેઓને બદનામ કરવાના પ્રયત્નો કર્યા હતા. જે ઘટના બાદ ભાજપે અલ્પેશ લીમ્બાચીયાને સસ્પેન્ડ કર્યા હતા. આજે પાલિકાની સભામાં બંને સામસામે આવી ગયા હતા. જયારે ભાજપની બહુમતી હોવા છતાય સત્તા પક્ષના પૂર્વ મેયરની તરફેણમાં એક પણ નગરસેવક સમર્થનમાં ઉભા થયા ન હતા.