SSG હોસ્પિટલના આઇસોલેશન વોર્ડમાં H1N1 સ્વાઇન ફ્લૂની સારવાર લઇ રહેલા દર્દીનું મોત

વડોદરા શહેરની એસએસજી હોસ્પિટલના આઇસોલેશન વોર્ડમાં માંજલપુર વિસ્તારમાં રહેતા 57 વર્ષીય વ્યક્તિ જે H1 N1 ઇન્ફ્લુએન્ઝા (સ્વાઇન ફ્લૂ) સહિત હૃદય રોગ, કેન્સર, હાઇપર, ટેન્શન તેમજ ડાયાબિટીસ જેવી બીમારીઓની સારવાર લઇ રહેલ વ્યક્તિનું સયાજી હોસ્પિટલ ખાતે સારવાર દરમિયાન સ્વાઇન ફ્લૂ ના કારણે મોત નિપજતા ઘરના મોભી ગુમાવતા પરિવાર ઘેરો શોકમાં ઘરકાવ થઇ ગયા હતા.

આ અંગે પ્રાપ્ત માહિતી અનુસાર વડોદરાના માંજલપુર વિસ્તારમાં હરિધામ ફ્લેટ ખાતે રહેતા 57 વર્ષીય તુષાર ચંદ્રકાન્ત શાહ હૃદય રોગ, કેન્સર, હાઇપર, ટેન્શન જેવી બીમારીઓથી પીડિત હતા તેઓને 7 દિવસથી કફ તેમજ શ્વાસ લેવામાં તકલીફ પડતી હોય ખાનગી હોસ્પિટલ ખાતે સારવાર લઇ રહ્યા હતા દરમિયાન ગત તા. 31 ડિસેમ્બરના રોજ તેમનો સ્વાઇન ફ્લૂ નો રિપોર્ટ પોઝિટિવ આવતા તેમને વધુ સારવાર અર્થે સયાજી હોસ્પિટલ ખાતે ખસેડવામાં આવ્યા હતા જયાં તેમનું સારવાર દરમિયાન મોત નીપજ્યું હતું