સાવધાન! રિક્ષા ચાલકની ‘આગળ બેસો’ની ઓફર પડી ભારે: ગોત્રીમાં મહિલાના 4 તોલા દાગીના સાફ

વડોદરાના ગોત્રી વિસ્તારમાં લગ્નમાં જતી એક મહિલાની મજબૂરીનો લાભ ઉઠાવી, રિક્ષા ચાલકે પલકવારમાં ચાર તોલા સોનાના દાગીના પર હાથ સાફ કરી દીધો. જોકે, વડોદરા ક્રાઈમ બ્રાન્ચે ગણતરીના દિવસોમાં જ આ રીઢા ગુનેગારને પેટલાદથી દબોચી લીધો છે.

• ઘટનાની વિગત: લક્ષ્મીપુરા રોડ પર રહેતા દિવાળીબેન પટેલ ગત 4 થી તારીખે લુણાવાડા જવા નીકળ્યા હતા. ગોત્રી ઇસ્કોન હાઇટ્સ પાસે રિક્ષાની રાહ જોતા દિવાળીબેનને રિક્ષા ચાલક મોહસીન પઠાણે પોતાની જાળમાં ફસાવ્યા.
• મોડસ ઓપરેન્ડી: રિક્ષા ચાલકે ‘પાછળના પેસેન્જર આગળ ઉતરી જવાના છે’ તેમ કહી મહિલાને પરાણે આગળ બેસાડી હતી. મહિલાની નજર ચૂકવી તેણે પર્સમાંથી સોનાની બંગડીઓ અને ચેન ચોરી લીધા અને સ્ટેશન પહોંચતા પહેલા જ નટુભાઈ સર્કલ પાસે તેમને ઉતારી દઈ રફુચક્કર થઈ ગયો હતો.
• પોલીસ કાર્યવાહી: મહિલાની ફરિયાદ બાદ વડોદરા ક્રાઈમ બ્રાન્ચે CCTV ફૂટેજ અને હ્યુમન ઇન્ટેલિજન્સની મદદથી પેટલાદના મોહસીન ઉર્ફે ‘મોટો મુફીનખાન’ પઠાણને ઝડપી પાડ્યો છે.

🧐ક્રાઈમ હિસ્ટ્રી

પોલીસ તપાસમાં બહાર આવ્યું છે કે પકડાયેલ આરોપી મોહસીન કોઈ સાધારણ ચોર નથી. તેની સામે અગાઉ:

• પેટલાદ, આણંદ, ઉમરેઠ, વાસદ અને રેલવે પોલીસ સ્ટેશનમાં કુલ 9 જેટલા ગુના નોંધાયેલા છે.
• જેમાં ચોરી, દારૂ અને જુગાર જેવી ગંભીર કલમોનો સમાવેશ થાય છે.

🚨વડોદરા પોલીસ નાગરિકોને અપીલ કરે છે કે રિક્ષામાં મુસાફરી કરતી વખતે અજાણ્યા ચાલકોની વાતોમાં આવી આગળ બેસવાનું ટાળવું અને પોતાના કિંમતી સામાન પ્રત્યે સજાગ રહેવું.