74ની ઉંમરે વૃદ્ધે શાદીડોટ.કોમ પરથી પરિચયમાં આવેલી મહિલાને હોટલમાં બોલાવી દુષ્કર્મ આચર્યુ

વડોદરામાં ઢળતી ઉંમરે વૃદ્ધે શાદીડોટ.કોમ નામની મેટ્રીમોની વેબસાઇટ પરથી પરિચયમાં આવેલી મહિલા જોડે હોટલમાં દુષકર્મ આચર્યું હોવાનો કિસ્સો સપાટી પર આવતા ચકચાર મચી જવા પામી છે. ઘટના અંગે સયાજીગંજ પોલીસ મથકમાં ફરિયાદ નોંધાવા પોલીસે તુરંત એક ટીમને મહારાષ્ટ્ર જવા રવાના કરી હતી. ટીમે ગણતરીના કલાકોમાં જ દુષકર્મી વૃદ્ધની અટકાયત કરીને વધુ કાયદેસરની કાર્યવાહી હાથ ધરી છે. ઢળતી ઉેમરે આધ્યાત્મ, ભજન-કિર્તન તરફ મન વાળવાની ઉંમરે વૃદ્ધે શર્મજનક કૃત્ય કરતા ચર્ચાનો વિષય બન્યો છે.

26, નવે. ના રોજ શહેરના સયાજીગંજ પોલીસ મથકમાં દુષકર્મની એક ઘટના નોંધાઇ હતી. જે અંગે પ્રાપ્ત વિગતો અનુસાર, આરોપી હરીપ્રસાદ જગન્નાથ રાઠી (ઉં. 74) (રહે. એલઆઇજી, વીએચબી કોલોની શાંતિનગર, નાગપુર, મહારાષ્ટ્ર) લગ્ન વિષયક શાદીડોટ.કોમ વેબસાઇટ પરથી મહિલાના સંપર્કમાં આવ્યા હતા. તાજેતરમાં બંને વડોદરાની એક હોટલમાં મળવા ભેગા થયા હતા. જ્યાં પહેલી જ મુલાકાતમાં વૃદ્ધે મહિલાનો દેહ ચૂંથ્યો હતો. જે અંગે પીડિતાએ ફરિયાદ નોંધાવી હતી.

ફરિયાદ બાદ આરોપી મહારાષ્ટ્રનો હોવાનું જણાઇ આવતા તુરંત ઉપરી અધિકારીની મંજૂરીથી એક ટીમ નાગપુર, મહારાષ્ટ્ર જવા માટે રવાના થઇ હતી. જ્યાંથી આરોપીને દબોચી લઇને વડોદરા લાવવામાં આવ્યો છે. આરોપીએ તેની પુછપરછમાં ગુનો આચર્યો હોવાની કબુલાત કરી છે. આખરે આરોપીને વડોદરા લાવીને તેના વિરૂદ્ધ વધુ કાયદેસરની કાર્યવાહી કરવામાં આવી છે.