10 માસના બાળક ઘોડિયા માંથી નીચે પડી જતા ટૂંકી સારવાર દરમિયાન મોત

વડોદરાના છેવાડે આવેલ ભાયલીમાં એક 10 માસના બાળકનું મોત નિપજતા પરિવાર પર આભ ફાટી પડ્યું છે. માતા પિતા દ્ધારા બપોરના સમયે બાળક રડતો હોય જેથી ઘરમાં દસ માસના બાળકને ઘોડિયામાં સુવડાવવામાં આવ્યો હતો અને બાળક સુઈ જતા માતા પિતા તેમના કામે લાગી ગયા હતા દરમિયાન ઘોડિયામાં જાગી ગયેલ બાળક ઘોડિયામાંથી નીચે પટકાતા તેને ગંભીર ઇર્જાઓ પહોંચતા સારવાર અર્થે તેને હોસ્પિટલ ખાતે ખસેડવામાં આવ્યો હતો જયા તેનું ટૂંકી સારવાર દરમિયાન મોત નીપજ્યું હતું

આ અંગે પ્રાપ્ત માહિતી અનુસાર દાહોદ જિલ્લાના ડોડી ગામના મોટા ફળિયામાં રહેતો કડિયા કામ કરતા અરવિંદભાઈ પલાસ પત્ની અને 10 માસના બાળક સાથે રોજીરોટીની શોધમાં વડોદરા આવી વડોદરાના છેવાડે આવેલ ભાયલી ગામે વસ્યા હતા અને સ્વામિનારાયણ મંદિર પાસે રહેતા હતા અરવિંદ ભાઈ નો 10 માસનો પુત્ર સુનિલ ગત તા. 2 ફેબ્રુઆરીના રોજ બપોરના સમયે રડતો હોય તેને ઘરમાં ઘોડિયામાં સુવાડયો હતો તેમના દસ મહિનાના દીકરા સુનિલને સુવાડયો હતો.

દરમિયાન પુત્ર ઘોડિયામાં સુઈ જતા તેઓ પોતાના કામે લાગી ગયા હતા થોડા સમય બાદ ઘોડિયામાં સુઈ રહેલ 10 માસનો સુનિલ જાગી જતા તે ઘોડિયા માંથી નીચે પટકાયો હતો અને તેને ગંભીર ઈજા પહોંચી હતી. જેથી તેને તાત્કાલિક ગોત્રી હોસ્પિટલ ખાતે લઇ જવામાં આવ્યો હતો જયા તેની હાલત નાજુક હોય વધુ સારવાર અર્થે સયાજી હોસ્પિટલ ખાતે રીફર કરવામાં આવ્યો હતો અને સયાજી હોસ્પિટલમાં માસુમ 10 માસના સુનિલનું ટૂંકી સારવાર દરમિયાન મોત નિપજતા પરિવારના આક્રંદથી હોસ્પિટલમાં સન્નાટો પથરાઈ ગયો હતો