3 જુલાઈથી અમરનાથ યાત્રાનો પ્રારંભ, જાણો રજીસ્ટ્રેશનથી લઈને વીમાની રકમ બમણી અને RFID કાર્ડ નવી સુવિધાઓની વિશે

• યાત્રાનું એલાન: 3 જુલાઈથી 28 ઓગસ્ટ સુધી ચાલશે 57 દિવસની પવિત્ર અમરનાથ યાત્રા; 15 એપ્રિલથી નોંધણી શરૂ.
• બેંક અને ઓનલાઈન સુવિધા: PNB, SBI અને J&K બેંકની 554 શાખાઓમાં ઓફલાઈન અને સત્તાવાર વેબસાઈટ પર થશે ઓનલાઈન રજીસ્ટ્રેશન.
• સુરક્ષા અને વીમો: યાત્રિકો માટે 5 લાખને બદલે 10 લાખનો અકસ્માત વીમો; RFID કાર્ડથી થશે દરેક શ્રદ્ધાળુનું ટ્રેકિંગ.
• આરોગ્ય અને સુવિધા: 200 બેડની હાઈટેક હોસ્પિટલ અને હવામાનની જાણકારી માટે ડોપ્લર રડાર તૈનાત; રસ્તાઓનું કરાયું પહોળીકરણ.

શ્રીનગર: જમ્મુ-કાશ્મીરના ઉપરાજ્યપાલ મનોજ સિન્હાની અધ્યક્ષતામાં મળેલી શ્રાઈન બોર્ડની બેઠકમાં આ વર્ષની અમરનાથ યાત્રાને લઈને મહત્વના નિર્ણયો લેવામાં આવ્યા છે. આ વર્ષે બાબા બરફાનીના દર્શન માટે શ્રદ્ધાળુઓમાં ભારે ઉત્સાહ જોવા મળી રહ્યો છે, જેને ધ્યાનમાં રાખીને વહીવટીતંત્રે 25 ટકા વધુ ભીડ વધવાની શક્યતા સાથે વ્યાપક તૈયારીઓ કરી છે.

👇રજીસ્ટ્રેશન અને વય મર્યાદા:

આ પવિત્ર યાત્રા માટે 15 એપ્રિલથી રજીસ્ટ્રેશનની પ્રક્રિયા શરૂ થશે. યાત્રામાં જોડાવા માટે શ્રદ્ધાળુની ઉંમર લઘુત્તમ 13 વર્ષ અને મહત્તમ 70 વર્ષની વચ્ચે હોવી જોઈએ. 6 અઠવાડિયાથી વધુ સમયની ગર્ભવતી મહિલાઓ આ યાત્રા કરી શકશે નહીં.

👉નોંધણીની પ્રક્રિયા (ઓનલાઈન અને ઓફલાઈન):

૧. ઓનલાઈન: શ્રદ્ધાળુઓ શ્રાઈન બોર્ડની વેબસાઈટ http://jksasb.nic.in પર જઈને પોતાનો ફોટો અને હેલ્થ સર્ટિફિકેટ અપલોડ કરી યાત્રા પરમિટ મેળવી શકશે.

૨. ઓફલાઈન: દેશભરની PNB, SBI, યસ બેંક અને J&K બેંકની 554 નિયુક્ત શાખાઓ પરથી ફોર્મ ભરી શકાશે.

📝મહત્વપૂર્ણ દસ્તાવેજ:

યાત્રા માટે સૌથી મહત્વનું ‘ફરજિયાત સ્વાસ્થ્ય પ્રમાણપત્ર’ (CHC) છે, જે શ્રાઈન બોર્ડ દ્વારા માન્યતા પ્રાપ્ત ડોક્ટર પાસેથી જ લેવાનું રહેશે. રજીસ્ટ્રેશન વખતે જ તમારે બાલટાલ અથવા પહલગામ રૂટની પસંદગી કરવાની રહેશે.

🧐નવી સુવિધાઓ અને સુરક્ષા:

શ્રદ્ધાળુઓની સુરક્ષા માટે આ વખતે દરેકને RFID કાર્ડ આપવામાં આવશે, જેથી તેમનું ચોક્કસ લોકેશન જાણી શકાય. આ ઉપરાંત, સામૂહિક અકસ્માત વીમાની રકમ વધારીને 10 લાખ રૂપિયા કરી દેવામાં આવી છે. સેના અને અર્ધલશ્કરી દળોના ચુસ્ત બંદોબસ્તની સાથે-સાથે 200 બેડની અદ્યતન હોસ્પિટલ પણ તૈયાર રાખવામાં આવી છે. યાત્રીઓની સગવડ માટે બાલટાલ અને શ્રીનગરમાં નવા ‘યાત્રી નિવાસ’ પણ કાર્યરત કરવામાં આવ્યા છે.

🫵જો તમે પણ આ વર્ષે બાબા બરફાનીના દર્શન કરવા માંગતા હોવ, તો 15 એપ્રિલથી તમારી તૈયારીઓ શરૂ કરી દેજો.