દુબઈ રિટર્ન મુસાફરનો ‘ગોલ્ડન’ પ્લાન ફેલ! SVPI એરપોર્ટ પર કસ્ટમ વિભાગની મોટી કાર્યવાહી

અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર કસ્ટમ વિભાગે દાણચોરી વિરુદ્ધ વધુ એક મોટી સફળતા હાંસલ કરી છે. દુબઈથી અમદાવાદ આવેલા એક મુસાફર પાસેથી લાખોની કિંમતનું સોનું જપ્ત કરવામાં આવ્યું છે. કસ્ટમ વિભાગની સતર્કતાને કારણે દાણચોરની ચાલાકી કામ ન આવી અને તે રંગેહાથ ઝડપાઈ ગયો છે.

મળતી માહિતી મુજબ, કસ્ટમ વિભાગના એર ઇન્ટેલિજન્સ યુનિટને મળેલી બાતમીના આધારે દુબઈથી આવેલા એક પુરુષ મુસાફરને અટકાવીને તેની તપાસ કરવામાં આવી હતી. પ્રાથમિક તપાસમાં મુસાફર સામાન્ય જણાતો હતો, પરંતુ ઝીણવટભરી તપાસમાં અધિકારીઓ પણ ચોંકી ઉઠ્યા હતા.”

🪙“મુસાફરે સોનાની દાણચોરી માટે એક અલગ જ મોડસ ઓપરેન્ડી અપનાવી હતી:

• ​કુલ જપ્ત સોનું: 601.940 ગ્રામ
• ​અંદાજિત કિંમત: ₹96 લાખ
• છુપાવવાની પદ્ધતિ: મુસાફરે સોનાની લગડી પોતાના ખિસ્સામાં અને સોનાની પેસ્ટ બનાવી તેને આંતરવસ્ત્રમાં છુપાવી હતી.

🧐”કસ્ટમ વિભાગે સોનાનો જથ્થો જપ્ત કરી મુસાફરની અટકાયત કરી છે અને આ ઘટનામાં અન્ય કોઈની સંડોવણી છે કે કેમ તે અંગે ઊંડી તપાસ શરૂ કરી છે. એરપોર્ટ પર કડક સુરક્ષા અને કસ્ટમની બાજ નજરને કારણે દાણચોરોના મનસૂબા ફરી એકવાર નિષ્ફળ સાબિત થયા છે.”