- માંજલપુર પોલીસનો સપાટો: વડસર બ્રિજ પાસે પેટ્રોલિંગ દરમિયાન મળેલી ચોક્કસ બાતમીના આધારે કરાઈ સફળ રેડ.
- ૧૦ જુગારીઓ જેલભેગા: રઝા મસ્જિદની પાછળ ખુલ્લા પ્લોટમાં ગોળકુંડાળું વળી પત્તા-પાનાનો જુગાર રમતા ઇસમો ઝડપાયા.
- રૂ. ૬૯ હજારથી વધુનો મુદ્દામાલ જપ્ત: અંગઝડતી અને જમીનદાવની રોકડ તેમજ ૬ નંગ મોબાઈલ ફોન પોલીસે કર્યા કબજે.
- અસામાજિક પ્રવૃત્તિઓ પર પ્રહાર: પોલીસ કમિશનર નરસિંહા કોમાર સાહેબની સૂચનાથી માંજલપુર પોલીસે શોધી કાઢ્યો ગણનાપાત્ર કેસ.
વડોદરા શહેરમાં પ્રોહિબિશન અને જુગાર જેવી અસામાજિક પ્રવૃત્તિઓને નેસ્તનાબૂદ કરવા તેમજ સટ્ટો કે જુગાર રમતા તત્વો સામે કડક કાયદેસરની કાર્યવાહી કરવા માટે માંજલપુર પોલીસ સ્ટેશનના પોલીસ ઇન્સ્પેક્ટર ડી.જી. પટેલના માર્ગદર્શન હેઠળ સર્વેલન્સ સ્ટાફની ટીમ વિસ્તારમાં સતત પેટ્રોલિંગમાં હતી. આ દરમિયાન માંજલપુર પોલીસને બાતમીના આધારે જુગારનો એક ગણનાપાત્ર કેસ શોધી કાઢવામાં મોટી સફળતા મળી છે.
🧐બાતમી મળતા જ પોલીસે ખુલ્લા પ્લોટને ઘેરી લીધો:
માંજલપુર પોલીસ સ્ટેશનના સર્વેલન્સ સ્ટાફના માણસો પેટ્રોલિંગ કરતા-કરતા વડસર બ્રિજ પાસે આવ્યા ત્યારે એ.એસ.આઇ. રોહિતકુમાર રામાભાઈ તથા આસિસ્ટન્ટ હેડ કોન્સ્ટેબલ જીગર અમૃતભાઈને તેમના અંગત બાતમીદાર તરફથી એક પાકી બાતમી મળી હતી. બાતમીમાં જણાવવામાં આવ્યું હતું કે, માંજલપુર રઝા મસ્જિદની પાછળ આવેલી કાશીબાનગર કોલોનીના એક ખુલ્લા પ્લોટમાં કેટલાક ઇસમો ભેગા થઈને પત્તા-પાના વડે રૂપિયાની હારજીતનો જુગાર રમી રહ્યા છે. આ માહિતીના આધારે પોલીસે તાત્કાલિક સ્ટાફના માણસો સાથે બાતમીવાળા સ્થળે દરોડો પાડ્યો હતો. પોલીસે સ્થળ પરથી ગોળકુંડાળું વળીને જુગાર રમતા કુલ ૧૦ ઇસમોને રંગેહાથ દબોચી લીધા હતા.
👉પકડાયેલા આરોપીઓના નામ અને સરનામા:
૧. મોહમદ જીશાન વલીઉદ્દીન સીદ્દીકી (ઉં.વ. ૨૬, રહે. કાશીબાનગર, રઝા મસ્જિદની પાછળ, જવીર પઠાણના મકાનમાં, બેંક ઓફ બરોડાની સામે, માંજલપુર, વડોદરા)
૨. શાહેદખાન મકસૂદખાન પઠાણ (ઉં.વ. ૪૨, રહે. અજમનગર, જી.આઇ.ડી.સી. કોલોની પાસે, મસ્તાન શેખના મકાનમાં, માંજલપુર, વડોદરા)
૩. મુત્તુસીંગખાન વસીમખાન પઠાણ (ઉં.વ. ૩૦, રહે. મ.નં. ૫૨, પવનનગર, જી.આઇ.ડી.સી. કોલોની પાછળ, માંજલપુર, વડોદરા)
૪. શાહમોહમદ સલીમમોહમદ શેખ (ઉં.વ. ૩૦, રહે. કાશીબાનગર, રઝા મસ્જિદની પાછળ, બાબુ શેખના મકાનમાં, માંજલપુર, વડોદરા)
૫. સમીર એહમદ ઝહીર એહમદ ખાન (ઉં.વ. ૨૬, રહે. મ.નં. ૪૦, પવનનગર, જી.આઇ.ડી.સી. કોલોની પાછળ, માંજલપુર, વડોદરા)
૬. ગુફરાન મિનહાજ ખાન પઠાણ (ઉં.વ. ૨૦, રહે. કાશીબાનગર, રઝા મસ્જિદની પાછળ, જવીર પઠાણના મકાનમાં, માંજલપુર, વડોદરા)
૭. મોહમદ અલીઅકબર હનીફ શેખ (ઉં.વ. ૨૨, રહે. કાશીબાનગર, રઝા મસ્જિદની પાછળ, ઇસ્તખાર પઠાણના મકાનમાં, માંજલપુર, વડોદરા)
૮. આબુબકર ખાન મીનાઝખાન પઠાણ (ઉં.વ. ૨૦, રહે. કાશીબાનગર, રઝા મસ્જિદની પાછળ, જવીર પઠાણના મકાનમાં, માંજલપુર, વડોદરા)
૯. મેહતાબ કેસરઅલી સૈયદ (ઉં.વ. ૨૫, રહે. મ.નં. ૧૩, કૃષ્ણધામ સોસાયટી, જી.આઇ.ડી.સી. કોલોની પાસે, માંજલપુર, વડોદરા)
૧૦. મોહમદ હનીફ હસરૂદ્દીન શેખ (ઉં.વ. ૫૮, રહે. કાશીબાનગર, રઝા મસ્જિદની પાછળ, ઇસ્તખાર પઠાણના મકાનમાં, બેંક ઓફ બરોડાની સામે, માંજલપુર, વડોદરા)
🚨કબજે કરાયેલો મુદ્દામાલ:
માંજલપુર પોલીસે જુગારના અડ્ડા પરથી દરોડા દરમિયાન નીચે મુજબનો મુદ્દામાલ જપ્ત કર્યો છે:
- અંગઝડતીના રોકડા રૂપિયા: ₹૨૨,૦૦૦/-
- જમીનદાવના રોકડા રૂપિયા: ₹૩,૩૦૦/-
- મોબાઈલ ફોન નંગ-૦૬: (કુલ કિંમત ₹૪૪,૦૦૦/-)
- પત્તા-પાના નંગ-૫૨
- કુલ મુદ્દામાલ કિંમત રૂપિયા: ૬૯,૩૦૦/-
👮માંજલપુર પોલીસે તમામ ૧૦ આરોપીઓ સામે જુગાર ધારા અન્વયે ગુનો રજીસ્ટર કરી, તમામની અટકાયત કરીને આગળની કાયદેસરની કાર્યવાહી હાથ ધરી છે.
