- સઘન તપાસ ઝુંબેશ: 7 ફાયર ટીમો દ્વારા 49 શૈક્ષણિક સંસ્થાઓમાં તપાસ.
- ખામીયુક્ત સંસ્થાઓ: 15 ક્લાસીસને નોટિસ ફટકારી સમયમર્યાદામાં સુધારા કરવા આદેશ.
- જાગૃતિ અભિયાન: સંચાલકોને ફાયર સેફ્ટીની તાલીમ અને ઈમરજન્સી પ્રોટોકોલની સમજ.
- સુરક્ષા અગ્રતા: વિદ્યાર્થીઓની સુરક્ષા સુનિશ્ચિત કરવા માટે આગામી સમયમાં તપાસનો વ્યાપ વધારાશે.
વડોદરા: અન્ય શહેરોમાં બનેલી આગની ભયાનક દુર્ઘટનાઓમાંથી બોધપાઠ લઈને વડોદરા ફાયર બ્રિગેડ દ્વારા શહેરભરની શૈક્ષણિક સંસ્થાઓ અને ટ્યુશન ક્લાસીસમાં ફાયર સેફ્ટીની તપાસ હાથ ધરવામાં આવી છે. શહેરના ડેપ્યુટી ચીફ ફાયર ઓફિસરના નેતૃત્વમાં 7 અલગ-અલગ ટીમો દ્વારા આ સઘન ઝુંબેશ ચલાવવામાં આવી રહી છે.
❓શું છે ફાયર બ્રિગેડની કામગીરી?
છેલ્લા બે દિવસમાં ફાયર વિભાગે કુલ 49 જેટલા ટ્યુશન ક્લાસીસ, કોમ્પ્યુટર ટ્રેનિંગ સેન્ટર્સ અને અન્ય સંસ્થાઓમાં તપાસ કરી છે. ફાયર વિભાગ માત્ર ક્લાસીસની તપાસ જ નથી કરી રહ્યો, પરંતુ સંચાલકોને ઇમરજન્સી વખતે પેનિક થયા વગર વિદ્યાર્થીઓને સુરક્ષિત રીતે બહાર કાઢવાની તાલીમ પણ આપી રહ્યો છે.
શહેરની 15 જાણીતી શૈક્ષણિક સંસ્થાઓ અને ક્લાસીસમાં કેટલીક ગંભીર ક્ષતિઓ જોવા મળી હતી. વિદ્યાર્થીઓની સુરક્ષા અને નિયમોના પાલનને ધ્યાનમાં રાખીને, તંત્ર દ્વારા આ સંસ્થાઓને નોટિસ પાઠવવામાં આવી છે.
આ સંસ્થાઓને નિર્ધારિત સમયમર્યાદામાં ક્ષતિઓ સુધારી લેવા તાકીદ કરવામાં આવી છે.
🧯નોટિસ આપવામાં આવેલી સંસ્થાઓ:👇
✅ સમર્થ એજ્યુકેશન – અમિતનગર
✅ દેવ વોકેશનલ ટ્રેનિંગ – VIP રોડ
✅ કેનોન કો. ઇન્સ્ટિટ્યૂટ – વાઘોડિયા રોડ
✅ દીપ પટેલ ક્લાસીસ – વૈકુંઠ ચાર રસ્તા
✅ કોમ્પ્યુટર સેન્ટર – વાઘોડિયા રોડ
✅ કે.એસ. ટેકનોલોજી ઇન્સ્ટિટ્યૂટ
✅ લિટલ રેમ્બો કિડ્સ – તરસાલી
✅ યુ વિલ ક્લાસીસ – વડીવાડી
✅ અસ્વિનસર કોમર્સ ક્લાસીસ – વડીવાડી
✅ લિટલ જાયન્ટ્સ – ઓ.પી. રોડ
✅ જે.કે. શાહ ક્લાસીસ – વડીવાડી
✅ જે.પી. કી પાઠશાલા – ગોરવા પંચવટી
✅ ગાયત્રી કોચિંગ ક્લાસીસ – વાઘોડિયા રોડ
✅ વિજય શાહ એન્જી. ક્લાસીસ – સિદ્ધિવિનાયક કોમ્પ્લેક્સ
✅ ઇન્દુ ક્લાસીસ – શંકર ટેકરી રોડ
🧐તંત્રની ચેતવણી:
ફાયર વિભાગે સ્પષ્ટ કર્યું છે કે વિદ્યાર્થીઓની સુરક્ષા સાથે કોઈ પણ પ્રકારની બાંધછોડ કરવામાં આવશે નહીં. આગામી દિવસોમાં અન્ય વિસ્તારોમાં પણ તપાસનો દોર યથાવત્ રહેશે અને જે સંસ્થાઓ નિયમોનું પાલન નહીં કરે, તેમની સામે કાયદેસરની કડક કાર્યવાહી કરવામાં આવશે. વિદ્યાર્થીઓના જીવના જોખમે ચાલતા ક્લાસીસ હવે સુરક્ષાના માપદંડો પૂર્ણ કરવા મજબૂર બનશે.
