વડોદરા: બાપોદ પોલીસની મોટી કાર્યવાહી; સરદાર એસ્ટેટ પાછળ જુગાર રમતા 5 શખ્સો ઝડપાયા

• બાપોદ પોલીસનો જુગારના અડ્ડા પર દરોડો: ૫ પત્તાપ્રેમીઓ જેલ ભેગા.
• પોલીસ કમિશનરની સૂચનાથી એક્શન મોડમાં પોલીસ; હાર-જીતનો ખેલ ખેલતા ઇસમો મુંજાયા.
• મોબાઇલ અને રોકડ મળી કુલ ₹૪૯,૨૨૦નો મુદ્દામાલ જપ્ત.

વડોદરા શહેરમાં દારૂ અને જુગાર જેવી ગેરકાયદેસર પ્રવૃત્તિઓને નેસ્તનાબૂદ કરવા માટે પોલીસ કમિશનર શ્રી નરસિમ્હા કોમાર દ્વારા સ્પેશિયલ ડ્રાઇવ ચલાવવામાં આવી રહી છે. જે અંતર્ગત બાપોદ પોલીસ ટીમે બાતમીના આધારે રેડ કરી જુગારનો એક ગણનાપાત્ર કેસ શોધી કાઢવામાં સફળતા મેળવી છે.

📌ઘટનાની વિગત:

બાપોદ પોલીસ મથકના ઇન્ચાર્જ પી.આઈ. પી.યુ. પસ્તાગીયાના માર્ગદર્શન હેઠળ પોલીસ ટીમ વિસ્તારમાં પેટ્રોલીંગમાં હતી. તે દરમિયાન પોલીસ કોન્સ્ટેબલ પુષ્પરાજસિંહ ભરતસિંહને બાતમી મળી હતી કે, આજવા રોડ પર આવેલ સરદાર એસ્ટેટની પાછળ, લક્ષ્મીનગર સ્થિત શંકર ભગવાનના મંદિર પાસે ખુલ્લી જગ્યામાં કેટલાક ઇસમો ગોળ કુંડાળું વળી પત્તા પાનાનો હાર-જીતનો જુગાર રમી રહ્યા છે.

​બાતમી મળતા જ પોલીસ ટીમે તાત્કાલિક સ્થળ પર દરોડો પાડ્યો હતો. પોલીસને જોઈ જુગારીઓમાં નાસભાગ મચી ગઈ હતી, પરંતુ ટીમે સતર્કતા દાખવી ઘેરો ઘાલીને કુલ ૫ ઇસમોને ઝડપી પાડ્યા હતા.

🧐પકડાયેલ આરોપીઓના નામ:

૧. સુનીલભાઈ ચંદુભાઈ માછી (રહે. લક્ષ્મીનગર, વડોદરા)

૨. અરૂણ રણજીતભાઈ વસાવા (રહે. વાડી, વડોદરા)

૩. હર્ષદ ભુપતભાઈ માછી (રહે. લક્ષ્મીનગર, વડોદરા)

૪. પ્રવિણભાઈ મોહનભાઈ રાજપુત (રહે. વુડાના મકાન, વડોદરા)

૫. અજય રમેશભાઈ રાવલ (રહે. સયાજીપાર્ક પાસે, વડોદરા)

🚨જપ્ત કરાયેલ મુદ્દામાલ:

પોલીસે આરોપીઓ પાસેથી નીચે મુજબનો મુદ્દામાલ જપ્ત કર્યો છે:

• અંગ ઝડતીની રોકડ: ₹૮,૨૦૦
• દાવ પરની રોકડ: ₹૯,૦૨૦
• મોબાઇલ ફોન (૪ નંગ): ₹૩૨,૦૦૦
• કુલ મુદ્દામાલ: ₹૪૯,૨૨૦

👮બાપોદ પોલીસની આ ટીમ વર્ક અને સફળ કામગીરીને ઉચ્ચ અધિકારીઓ દ્વારા બિરદાવવામાં આવી છે. હાલ પોલીસે તમામ આરોપીઓ વિરુદ્ધ જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.