માણેજામાં જુગારની પ્રવૃત્તિ પર પોલીસની રેડ: રોકડા અને મોબાઈલ ફોન સહિતનો મુદ્દામાલ જપ્ત

• પોલીસની રેડ: માણેજા ગાર્ડન સામે ખુલ્લી જગ્યામાં ચાલતા જુગારધામ પર મકરપુરા પોલીસનો દરોડો.
• 10 આરોપીઓની ધરપકડ: જુગાર રમી રહેલા સ્થાનિક 10 શખ્સો પોલીસ પકડમાં.
• મુદ્દામાલ જપ્ત: રોકડ રકમ, મોબાઈલ અને જુગારના સાધનો સહિત કુલ 56,900 રૂપિયાનો મુદ્દામાલ કબજે.
• ગુનો દાખલ: મકરપુરા પોલીસ સ્ટેશનમાં જુગારધારા અન્વયે ગુનો નોંધી કાયદેસરની કાર્યવાહી હાથ ધરી.

વડોદરા: વડોદરા શહેરના મકરપુરા પોલીસ સ્ટેશન વિસ્તારમાં અસામાજિક પ્રવૃત્તિઓ અટકાવવા માટે ચાલી રહેલી ડ્રાઈવ દરમિયાન પોલીસને મોટી સફળતા મળી છે. માણેજા ગાર્ડન સંતોષી માતા મંદિર સામેની ખુલ્લી જગ્યામાં જાહેરમાં જુગાર રમી રહેલા 10 શખ્સોને પોલીસે રંગે હાથ ઝડપી પાડી કાયદેસરની કાર્યવાહી હાથ ધરી છે.

🧐શું છે મામલો?

મકરપુરા પોલીસ સ્ટેશનના સ્ટાફના માણસો પેટ્રોલિંગમાં હતા તે દરમિયાન બાતમી મળી હતી કે માણેજા ગાર્ડન પાસે કેટલાક લોકો જુગાર રમી રહ્યા છે. બાતમીના આધારે પોલીસે દરોડો પાડી સ્થળ પરથી 10 જુગારીઓને ઝડપી લીધા હતા. પોલીસની આ કાર્યવાહીમાં અંગઝડતીના 6,700 રૂપિયા અને જમીન દાવના 5000 રૂપિયા મળી કુલ 11,700 રોકડા, ૫૨ પાનાના પત્તા તેમજ 45,000 રૂપિયાની કિંમતના 7 મોબાઈલ ફોન સહિત કુલ 56,700 રૂપિયાનો મુદ્દામાલ જપ્ત કરવામાં આવ્યો છે. આ મામલે મકરપુરા પોલીસ સ્ટેશનમાં જુગારધારા કલમ-12 મુજબ ગુનો નોંધવામાં આવ્યો છે.

🚨પકડાયેલા આરોપીઓની વિગતો:

1. અક્ષય રમેશભાઈ પાટણવાડીયા (ઉ.વ. 29, રહે. માણેજા ગામ, વડોદરા)

2. નરેશ કાલીદાસ પરમાર (ઉ.વ. 38, રહે. માણેજા વુડાના મકાન, વડોદરા)

3. અર્જુનભાઈ શૈલેષભાઈ પઢીયાર (ઉ.વ. 37, રહે. માણેજા ગામ, વડોદરા)

4. સંદીપ સહદેવભાઈ પઢીયાર (ઉ.વ. 32, રહે. માણેજા ગામ, વડોદરા)

5. વિજયભાઈ મગનભાઈ ઠાકોર (ઉ.વ. 48, રહે. માણેજા ગામ, વડોદરા)

6. મિલન નવીનભાઈ પટેલ (ઉ.વ. 34, રહે. આશુતોષ ટાવર, માણેજા, વડોદરા)

7. પિયુષકુમાર વિનોદભાઈ પાટણવાડીયા (ઉ.વ. 37, રહે. માણેજા ગામ, વડોદરા)

8. શૈલેષભાઈ અરવિંદભાઈ પરમાર (ઉ.વ. 26, રહે. માણેજા ગામ, વડોદરા)

9. સાગર પ્રવીણભાઈ ઠાકોર (ઉ.વ. 29, રહે. વલ્લભ નગર, માણેજા, વડોદરા)

10. વિક્રમ ઉર્ફે કાંચો માનબહાદુર ખત્રી (ઉ.વ. 26, રહે. શ્રીરામ નગર, માણેજા, વડોદરા)