વડોદરામાં MGVCLનો મેગા સર્ચ ઓપરેશન: ફતેપુરા અને માંડવી વિસ્તારમાં વિજિલન્સના દરોડા, વીજ ચોરોમાં ફફડાટ

વડોદરા: મધ્ય ગુજરાત વીજ કંપની લિમિટેડ (MGVCL) દ્વારા વડોદરા શહેરમાં વીજ ચોરી ડામવા માટે ફરી એકવાર આક્રમક ચેકિંગ ઝુંબેશ શરૂ કરવામાં આવી છે. આજે વહેલી સવારથી જ માંડવી પેટા વિભાગીય કચેરી હેઠળ આવતા વિવિધ વિસ્તારોમાં વીજ કંપનીની અનેક ટીમોએ વિજિલન્સ સ્ટાફ સાથે ધામા નાખ્યા છે.

🧐 ચેકિંગ હેઠળના મુખ્ય વિસ્તારો:

• ફતેપુરા
• ભાંડવાડા
• મંગલેશ્વર
• ધૂળધોયા વાડ

👉 અગાઉ 55 લાખની વીજ ચોરી ઝડપાઈ હતી

નોંધનીય છે કે, થોડા દિવસો પહેલા જ પાણીગેટ અને માંડવી સબ ડિવિઝનમાં હાથ ધરાયેલા ચેકિંગમાં MGVCL એ 55 લાખ રૂપિયાથી વધુની વીજ ચોરી ઝડપી પાડી હતી. આ સફળતા બાદ તંત્રએ ફરી એકવાર આ જ વિસ્તારોમાં ઓચિંતું ચેકિંગ હાથ ધર્યું છે.

➡️ વીજ ચોરોમાં ફફડાટ

આજે સવારથી શરૂ થયેલી આ કાર્યવાહીમાં વીજ જોડાણોની ઝીણવટભરી તપાસ કરવામાં આવી રહી છે. ગેરકાયદેસર કનેક્શન, મીટર સાથે છેડા કરવા અને લંગર નાખીને વીજળી વાપરતા લોકો સામે કડક દંડનીય કાર્યવાહીની તૈયારીઓ કરવામાં આવી છે. હાલમાં ચેકિંગની કામગીરી ચાલુ હોવાથી સાંજ સુધીમાં લાખો રૂપિયાની વીજ ચોરીના આંકડા બહાર આવે તેવી પૂરેપૂરી શક્યતા છે.

🫵 તમારા માટે ખાસ સૂચના:

MGVCL ના સૂત્રોના જણાવ્યા અનુસાર, આગામી દિવસોમાં શહેરના અન્ય વિસ્તારોમાં પણ આ પ્રકારની ‘મેગા ડ્રાઈવ’ ચાલુ રહેશે.