- જુગારધામ પર રેડ: સલાટવાડા વિસ્તારમાં મકાન ભાડે કે કબજામાં રાખી જુગાર રમાડતા શખ્સો ઝડપાયા.
- 6 આરોપીઓની ધરપકડ: સંચાલક રિતેશ બારોટ સહિત કુલ જુગારીઓ રંગેહાથ ઝડપાયા.
- મુદ્દામાલ જપ્ત: રૂ. 10,120 ની રોકડ અને 4 મોબાઈલ ફોન સહિત કુલ રૂ. 30,120 નો મુદ્દામાલ કબ્જે કરાયો.
- કારેલીબાગ પોલીસને સોંપાયા: પકડાયેલા તમામ આરોપીઓ સામે જુગારધારા હેઠળ ગુનો નોંધી આગળની કાર્યવાહી શરૂ કરાઈ છે.
વડોદરા: વડોદરા શહેરમાં પ્રોહીબિશન અને જુગાર જેવી અસામાજિક પ્રવૃત્તિઓ નેસ્તનાબુદ કરવા માટે ક્રાઈમ બ્રાન્ચ દ્વારા સતત કડક કાર્યવાહી કરવામાં આવી રહી છે. દરમિયાન, બાતમીના આધારે ક્રાઈમ બ્રાન્ચની ટીમે સલાટવાડા વિસ્તારમાં દરોડો પાડીને જાહેરમાં બહારથી માણસો બોલાવીને પત્તા-પાનાનો જુગાર રમાડતા એક રેકેટનો પર્દાફાશ કર્યો છે.
🧐શું છે સમગ્ર મામલો?
મળતી માહિતી મુજબ, ક્રાઈમ બ્રાન્ચની ટીમને પેટ્રોલીંગ દરમિયાન ચોક્કસ બાતમી મળી હતી કે રિતેશ હસમુખભાઈ બારોટ નામના શખ્સે સલાટવાડા તુલસીભાઈની ચાલી (રબારીવાસ) ખાતે આવેલા પોતાના કબ્જા ભોગવટાવાળા મકાનમાં બહારથી માણસો બોલાવીને પત્તા-પાના વડે રૂપિયાની હારજીતનો જુગાર રમાડી રહ્યો છે. આ બાતમીના આધારે પોલીસે ત્વરિત દરોડો પાડીને મકાનના સંચાલક સહિત કુલ 6 ઇસમોને જુગાર રમતા રંગેહાથ ઝડપી પાડ્યા હતા.
🚨જપ્ત કરાયેલ મુદ્દામાલ અને આરોપીઓ:
પોલીસે દરોડા દરમિયાન દાવ પરથી અને પકડાયેલા શખ્સો પાસેથી નીચે મુજબનો મુદ્દામાલ કબ્જે કર્યો છે:
1. રોકડા રૂ. 10,120/- ની ચલણી નોટો
2. 4 મોબાઈલ ફોન (કિંમત રૂ. 20,000/-)
3. પત્તા-પાનાની કિટ અને અન્ય દસ્તાવેજી પુરાવાઓ
આમ, કુલ રૂ. 30,120/- નો મુદ્દામાલ જપ્ત કરવામાં આવ્યો છે.
👉આ રેડમાં પકડાયેલા આરોપીઓમાં રિતેશ હસમુખભાઈ બારોટ, સંજયભાઈ જયંતીભાઈ બારોટ, સંજય દિલીપભાઈ બારોટ, ગિરીશભાઈ ભીખાભાઈ બારોટ, ધર્મેન્દ્રભાઈ શંકરભાઈ બારોટ (તમામ રહે. સલાટવાડા, વડોદરા) તેમજ નાસીરમહોમ્મદ મયુરમહોમ્મદ શેખ (રહે. નાગરવાડા, વડોદરા) નો સમાવેશ થાય છે. આ તમામ આરોપીઓ વિરુદ્ધ જુગારધારા અન્વયે ગુનો નોંધી, વધુ તપાસ અર્થે કારેલીબાગ પોલીસ સ્ટેશનને સોંપવામાં આવ્યા છે.
