પ્રધાનમંત્રી આવાસ યોજનાના નામે ઠગાઈ: ચાર લોકો પાસેથી ₹1.78 લાખની છેતરપિંડી

વડોદરા: 🏡પ્રધાનમંત્રી આવાસ યોજના (PMAY) હેઠળ મકાન અપાવવાના બહાને ચાર વ્યક્તિઓ પાસેથી ₹1.78 લાખ પડાવી લેવાના કેસમાં સયાજીગંજ પોલીસે ભેજાબાજ વિરુદ્ધ ગુનો નોંધીને કાયદેસરની કાર્યવાહી શરૂ કરી છે.

🕵️‍♂️ ઠગાઈની વિગતો

• ફરિયાદી: ગુલાબસિંગ ઉદેસિંગ જાદવ (રહે. કમાટીપુરા, નરહરિ હોસ્પિટલની પાછળ), જે અલકાપુરીની એડ્રોઇ કન્સટ્રક્શન કંપનીમાં ઓફિસ બોય તરીકે નોકરી કરે છે.
  
• આરોપી: સંજય રાજુભાઇ પ્રજાપતિ (રહે. ચંદ્રભાડા હાઉસિંગ બોર્ડ, નવા વાડજ, અમદાવાદ તથા સમા જલારામ મંદિર પાસે).
• ફરિયાદ: ગુલાબસિંગ જાદવે સયાજીગંજ પોલીસ સ્ટેશનમાં ફરિયાદ નોંધાવી છે.

👉 ગુલાબસિંગ જાદવ સમા ખાતે તૈયાર થતા મકાનમાં આવાસ યોજના અંતર્ગત મકાન લેવા માટે જુલાઈ-2024માં દસ્તાવેજો ભેગા કરી રહ્યા હતા. આ દરમિયાન પાડોશી મારફતે તેમની ઓળખાણ સંજય રાજુભાઇ પ્રજાપતિ સાથે થઈ હતી, જેની ઓળખ આવાસ યોજનાના એજન્ટ તરીકે આપવામાં આવી હતી.

👉સંજય અને તેની પત્ની દિવ્યાએ ગુલાબસિંગના ઘરે મુલાકાત લીધી હતી. સંજયે ગુલાબસિંગને વિશ્વાસ અપાવ્યો હતો કે સરકારી કામમાં તેને મોટા સાહેબો ઓળખે છે અને તે ચોક્કસ મકાન અપાવી દેશે, પરંતુ તે માટે સાહેબને ₹50,000 આપવા પડશે.

💰 છેતરપિંડીની રકમ

>ગુલાબસિંગે સંજયના વિશ્વાસ પર પોતાના દસ્તાવેજો આપ્યા હતા અને કુલ ₹59,000 ચૂકવ્યા હતા.

>જો કે, થોડા સમય બાદ ગુલાબસિંગને જાણ થઈ કે સંજયે માત્ર તેમની પાસેથી જ નહીં, પરંતુ અન્ય વ્યક્તિઓ પાસેથી પણ મકાન અપાવવાના બહાને પૈસા લીધા છે. ત્યારબાદ સંજયનો ફોન બંધ થઈ ગયો અને તે મકાન ખાલી કરીને અન્ય સ્થળે રહેવા જતો રહ્યો.

📝સંજય પ્રજાપતિએ પડાવેલી કુલ રકમ:
* ગુલાબસિંગ જાદવ પાસેથી: ₹59,000
* પાડોશી સતિષભાઇ પાસેથી: ₹54,000
* મયંક પટેલ પાસેથી: ₹39,000
* કીર્તિબેન પાસેથી: ₹32,000
* કુલ રકમ: ₹1,78,000

👉સંજય પ્રજાપતિ દ્વારા કુલ 1.78 લાખ રૂપિયાની છેતરપિંડી કરવામાં આવી હોવાનું ફરિયાદમાં જણાવાયું છે. પોલીસે હવે આ ભેજાબાજ વિરુદ્ધ તપાસના ચક્રો ગતિમાન કર્યા છે.