Vadodara
વડોદરાના દાંડિયા બજારમાં ફાયરિંગ, નશામાં ધૂત સિક્યુરિટી ગાર્ડની ધરપકડ
દાંડિયા બજારમાં મોડી રાતે ગુંજી ગોળીબારની ગર્જના: કાકા સાહેબ ટેકરા પાસે હવામાં એક રાઉન્ડ ફાયરિંગ.
- નશામાં ચૂર હતો જીએસટી ભવનનો સિક્યુરિટી ગાર્ડ તરીકે ફરજ બજાવે છે
- પોતાની જ બંદૂકથી ગોળી છોડતા સ્થાનિકોમાં ફફડાટ.
- રાવપુરા પોલીસની તાત્કાલિક કાર્યવાહી: આરોપી રાજ નરેન્દ્રસિંહની હથિયાર સાથે અટકાયત.
વડોદરાના અત્યંત વ્યસ્ત એવા દાંડિયા બજાર વિસ્તારમાં ગઈકાલે મોડી રાતે ફાયરિંગની ઘટના બનતા સમગ્ર વિસ્તારમાં ચકચાર મચી ગઈ હતી. કાકા સાહેબ ટેકરા નજીક આવેલા નવદુર્ગા મંદિર પાસે એક શખસે નશાની હાલતમાં હવામાં ગોળીબાર કર્યો હતો. સદનસીબે આ ઘટનામાં કોઈ જાનહાનિ થઈ નથી, પરંતુ સુરક્ષા વ્યવસ્થા સામે મોટા સવાલો ઊભા થયા છે.
બનાવની વિગત એવી છે કે, ગત રાત્રે દાંડિયા બજારના નવદુર્ગા મંદિર પાસે અચાનક ગોળીબારનો અવાજ સંભળાતા લોકોમાં ગભરાટ ફેલાયો હતો. ઘટનાની જાણ થતાં જ રાવપુરા પોલીસનો કાફલો ઘટનાસ્થળે દોડી ગયો હતો. તપાસ દરમિયાન માલૂમ પડ્યું કે, આરોપી રાજ નરેન્દ્રસિંહ દોલતસિંહ નશામાં ધૂત હતો અને તેણે પોતાની પાસે રહેલી બંદૂકથી હવામાં એક રાઉન્ડ ફાયરિંગ કર્યું હતું.
🧐કોણ છે આરોપી?
પોલીસ તપાસમાં બહાર આવ્યું છે કે આરોપી રાજ નરેન્દ્રસિંહ વડોદરા સ્થિત જીએસટી (GST) ભવન ખાતે સિક્યુરિટી ગાર્ડ તરીકે ફરજ બજાવે છે. એક જવાબદાર પદ પર હોવા છતાં, નશાનું સેવન કરી જાહેર રસ્તા પર હથિયારનો દુરુપયોગ કરવાના આ કૃત્યથી લોકોમાં ભારે રોષ જોવા મળી રહ્યો છે.
🚨પોલીસ કાર્યવાહી:
રાવપુરા પોલીસે તાત્કાલિક એક્શનમાં આવીને આરોપીની ધરપકડ કરી છે. તેની પાસેથી બંદૂક અને કારતૂસ કબજે કરવામાં આવ્યા છે. પોલીસ દ્વારા આરોપી વિરુદ્ધ નીચે મુજબની કાર્યવાહી હાથ ધરાઈ છે:
- પ્રોહિબિશન એક્ટ: નશાની હાલતમાં હોવા બદલ ગુનો દાખલ.
- જાહેરનામા ભંગ: હથિયારના દુરુપયોગ અને શાંતિ ભંગ બદલ કાયદેસરની કાર્યવાહી.
👮સિક્યુરિટી ગાર્ડ દ્વારા કયા કારણોસર ફાયરિંગ કરવામાં આવ્યું તે હજુ અકબંધ છે, પરંતુ પોલીસે આ મામલે ઉંડાણપૂર્વક તપાસ શરૂ કરી છે. જાહેર સ્થળોએ હથિયાર સાથે નશાનું સેવન કરનારા તત્વો સામે હવે પોલીસ કેવું કડક વલણ અપનાવે છે તે જોવાનું રહેશે.