કારમાં આવીને તસ્કરોને હાથફેરો, શહેર પોલીસનું નાક વિદેશમાં કપાયુ

વડોદરાના કારેલીબાગ વિસ્તારમાં આવેલા NRI ના બંધ મકાનમાં તસ્કરો કાર લઇને આવ્યા હતા. અને હાથફેરો કર્યો હતો. પરંતુ મકાનમાં કંઇ ન હોવાના કારણે વિલામોઢે પરત ફરવું પડ્યું હતું. NRI ના મકાનમાં ચોરીની ઘટના સામે આવતા શહેર પોલીસનું નાક વિદેશમાં કપાયુ હોવાની ચર્ચાએ જોર પકડ્યું છે. તો બીજી તરફ કારમાં ફરી હાથફેરો કરતા તસ્કરો હવે પોલીસ સામે નવો પડકાર ઉભો કરી રહ્યા હોય તેમ લાગી રહ્યું છે.

શહેરભરમાં રાત્રીના સમયે પોલીસ દ્વારા પેટ્રોલીંગ કરવામાં આવે છે, આ વાત જાણીતી છે. પરંતુ હવે તેનાથી વિપરીત હકીકત હોવાના સીસીટીવી સમયાંતરે સામે આવી રહ્યા છે. તસ્કરો બાઇક કે પછી કારમાં રેકી કરીને હાથફેરો કરવા જતા હોવાની ઘટનાઓ શહેરવાસીઓ માટે નવી નથી. ત્યારે આવી જ એક ઘટના શહેરના પોશ ગણતા કારેલીબાગ વીઆઇપી રોડ પર સામે આવવા પામી છે. અહીંયાના NRI ના બંધ મકાનમાં તસ્કરોએ ચોરીનો પ્રયાસ કર્યો હતો. પરંતુ ઘરમાં કંઇ કિંમતી ન હોવાના કારણે હાથમાં કંઇ લાગ્યું ન્હતું.

સમગ્ર મામલે પ્રાપ્ત પ્રાથમિક વિગતો અનુસાર, કારેબીલાગ વિસ્તારમાં પાયલ પાર્ક સોસાયટી આવેલવી છે. તાજેતરમાં અહીંયા આવેલા NRI ના બંધ મકાનમાં હાથફેરો કરવા માટે તસ્કરો કાર લઇને પહોંચ્યા હતા. ઘરમાં હાથફેરો કરવા જતા કંઇ કિંમતી હાથ લાગ્યું ન્હતું, આ ઘટનના સીસીટીવી NRI એ પણ ત્યાં બેઠા જોયા હતા. જેને કારણે શહેર પોલીસનું નાક વિદેશમાં કપાયુ હોવા જેવો ઘાટ સર્જાયો છે. વિદેશ સુધી સ્થાનિક પોલીસની નાઇટ પેટ્રોલીંગની પોલંપોલ ખુલી જતા હવે આગળ શું કાર્યવાહી થાય છે તે જોવું રહ્યું.

જે રીતે તસ્કરોના સીસીટીવી સામે આવી રહ્યા છે, તે જોતા તેમાં પોલીસનો ખોફ ઓસરી રહ્યો છે. તેવામાં પોલીસે પ્રજાનો વિશ્વાસ જીતવા માટે કમર કસવી પડશે. નહી તો આ જ રીતે લોકોના ઘરના તાળા તુટતા રહેશે, અને જાન-માલનું નુકસાન વેઠવું પડશે.