Vadodara
વડોદરામાં જનભાગીદારીનું અનોખું ઉદાહરણ: મકરપુરાની બે સોસાયટીઓએ સ્વચ્છતા માટે મશાલ ચીંધી
વડોદરાના મકરપુરા વિસ્તારમાં આવેલી શુભ રેસીડેન્સી અને રાધે રેસીડેન્સીના રહીશોએ સાબિત કરી દીધું છે કે જો નાગરિક જાગૃત હોય તો શહેરને સ્વચ્છ બનતા કોઈ રોકી શકતું નથી. રવિવારની સવારે આ બંને સોસાયટીના રહીશોએ પાલિકાના સહયોગથી એક ભવ્ય સ્વચ્છતા જનજાગૃતિ રેલીનું આયોજન કર્યું હતું.
આ માત્ર એક રેલી નહોતી, પરંતુ ‘સ્વચ્છ વડોદરા, સુંદર વડોદરા’ના સંકલ્પને સાકાર કરવાની એક મજબૂત શરૂઆત હતી. રહીશોએ પોતે પહેલ કરી વડોદરા મ્યુનિસિપલ કોર્પોરેશનનો સંપર્ક કર્યો અને તંત્રએ પણ આ પ્રસ્તાવને વધાવી લીધો.
👇મુખ્ય અંશો:
- VMC ઉપસ્થિતિ: આસિસ્ટન્ટ મ્યુનિસિપલ કમિશનર શમીક જોશી ખાસ હાજર રહી રહીશોનો ઉત્સાહ વધાર્યો.
- સંદેશ: ભીનો અને સૂકો કચરો અલગ રાખવો, ગમે ત્યાં કચરો ન ફેંકવો અને ડસ્ટબિનનો જ ઉપયોગ કરવો.
- જનભાગીદારી: રહીશો અને પાલિકાના સફાઈ સેવકોએ ખભેખભા મિલાવી વિસ્તારમાં સ્વચ્છતાનો પ્રચાર કર્યો.
આસિસ્ટન્ટ મ્યુનિસિપલ કમિશનર શમીક જોશીનું નિવેદન: “સ્વચ્છતા એ માત્ર કાગળ પર લખવાનો વિષય નથી, પરંતુ તે એક સંસ્કાર છે. મકરપુરાની આ સોસાયટીઓએ સાબિત કર્યું છે કે જનતા જાગૃત થાય તો તંત્રને પણ કામ કરવાની નવી ઉર્જા મળે છે.”