સુરતના કોસંબા નજીક ટ્રોલી બેગમાંથી મહિલાનો મૃતદેહ મળ્યો; મૃતકની ઓળખ માટે તપાસ શરૂ

સુરત જિલ્લાના કોસંબા નજીક હાઈવે પર ટ્રોલી બેગમાંથી મહિલાનો મૃતદેહ મળ્યો,મૃતદેહ બેગમાં મૂકતાં પહેલાં કપડાથી બાંધી દેવામાં આવ્યો હતો

• પ્રાથમિક અંદાજ પ્રમાણે મહિલાની ઉમર આશરે 25 વર્ષની હોવાની આશંકા,હત્યા કરાઈ હોવાની શકયતા.
• મોતનું ચોક્કસ કારણ PM રિપોર્ટ બાદ સામે આવશે.
• બેગ કોસંબા ઓવરબ્રિજ નજીક મારુતિ શો રૂમ સાઈડના રોડ પર જોવા મળી,પોલીસ ઘટનાસ્થળે પહોંચી

સુરત જિલ્લામાં કોસંબા નજીક હાઈવે પાસે એક ચોંકાવનારી ઘટના સામે આવી છે. રોડ કિનારે એક ટ્રોલી બેગમાંથી એક અજાણી મહિલાનો મૃતદેહ મળી આવતા વિસ્તારમાં ચકચાર મચી ગઈ છે. ઘટનાની જાણ થતાં પોલીસ કાફલો ઘટનાસ્થળે દોડી આવ્યો હતો અને હાલ આ મામલે વધુ તપાસ હાથ ધરવામાં આવી છે.

પ્રાથમિક તપાસમાં જાણવા મળ્યું છે કે મૃતક મહિલાની ઓળખ હજુ સુધી થઈ શકી નથી, પરંતુ તેની ઉમર અંદાજિત 25 વર્ષની આસપાસ હોવાનું અનુમાન છે. મૃતદેહને કપડાથી બાંધીને ટ્રોલી બેગમાં મૂકી દેવામાં આવ્યો હતો. મૃતદેહના કટકા કરવામાં આવ્યા નથી, પરંતુ પ્રાથમિક દૃષ્ટિએ મહિલાની હત્યા કરાઈ હોવાની શંકા પોલીસને છે.

મળતી માહિતી મુજબ, કોસંબા ઓવર બ્રિજ પાસેથી થોડા અંતરે, મારુતિના શો રૂમ બાજુના રોડ કિનારે ટ્રોલી બેગમાંથી આ લાશ મળી આવી હતી. કોઈ અજાણ્યાએ બેગમાં મહિલાનો મૃતદેહ મૂકી અહીં છોડ્યો હોવાનો તર્ક થઈ રહ્યો છે.

મૃતક કોણ છે, તેની હત્યા કોણે અને કેમ કરી — તે અંગે હજી સુધી કંઈ સ્પષ્ટ થયું નથી. પોલીસ અનુસાર મૃતકના મોતનું ચોક્કસ કારણ પીએમ રિપોર્ટ બાદ જ બહાર આવી શકશે. હાલમાં પોલીસે મોર્ડન તપાસ, ટેક્સ્ચર ફૂટેજ અને નજીકના વિસ્તારના સીસીટીવી ફૂટેજ તપાસવાની પ્રક્રિયા શરૂ કરી છે.

આ ચોંકાવનારી હત્યા મામલે કોસંબા પોલીસ સહિત જિલ્લા ક્રાઇમ શાખા પણ સક્રિય થઈ ગઈ છે. વધુ વિગતો પીએમ રિપોર્ટ અને પોલીસ તપાસ બાદ બહાર આવશે.