South Gujarat
સુરતમાં ફરી માનવતા લજવાઈ: સારોલીમાં 3 વર્ષની માસૂમ બાળકી પર નરાધમ દ્વારા દુષ્કર્મ; આરોપીની ધરપકડ
- સુરક્ષા પર સવાલ: સારોલીમાં ૩ વર્ષની માસૂમ દીકરી પર દુષ્કર્મની ઘટનાથી સુરત શહેર હચમચી ગયું.
- નરાધમ ઝડપાયો: બાળકીની માતાએ રંગેહાથ ઝડપી પાડ્યો હેવાન; આરોપી મોજબ્બીર મોહમ્મદ હસામુદીનની ધરપકડ.
- સ્થાનિકોમાં આક્રોશ: થોડા સમયમાં બનેલી બીજી ઘટનાને પગલે રહેવાસીઓમાં ભારે રોષ; વિસ્તારની સુરક્ષા સામે ઉઠ્યા ગંભીર સવાલો.
- હવસનો શિકાર: બાળકીની લાચારીનો લાભ ઉઠાવી નરાધમે આચર્યું કૃત્ય; કાયદાકીય કાર્યવાહી તેજ.
સુરત: સુરતના સારોલી વિસ્તારમાં ફરી એકવાર માનવતાને કલંકિત કરતી ઘટના સામે આવી છે. નેચરવેલી હોમ્સ પાસે આવેલી ક્રિષ્ના પાર્ક ઇન્ડસ્ટ્રીયલ વસાહતમાં રહેતી માત્ર ૩ વર્ષની માસૂમ બાળકી હવસખોરનો શિકાર બની છે. સારોલી પોલીસે આ મામલે બિહારના મૂળ વતની મોજબ્બીર મોહમ્મદ હસામુદીન નામના શખ્સની ધરપકડ કરી છે.
📌શું બની હતી ઘટના?
ગત ૨૩ એપ્રિલે બપોરના સમયે શ્રમિક પરિવારની બાળકી ઘરે એકલી હતી. માતા જ્યારે નજીકમાં જ પોતાના પતિને બોલાવવા ગઈ હતી, તે સમયે બાજુમાં રહેતા આ નરાધમે બાળકીની એકલતાનો લાભ લીધો હતો. આરોપી અગાસી પરથી નીચે ઉતરી બાળકી સાથે ગંભીર શારીરિક અડપલાં કરી રહ્યો હતો. તે જ સમયે માતા અચાનક પરત આવી પહોંચતા આ હેવાન રંગેહાથ ઝડપાઈ ગયો હતો. માતાની બૂમાબૂમ સાંભળી આસપાસના લોકો દોડી આવ્યા હતા અને નરાધમને મેથીપાક ચખાડી પોલીસને હવાલે કર્યો હતો.
🧐સુરક્ષા સામે ગંભીર પ્રશ્નો:
સારોલી વિસ્તારમાં થોડા સમયના અંતરે બાળકીઓ પર દુષ્કર્મની આ બીજી ઘટના છે. સળંગ બનતી આવી ઘટનાઓને કારણે સ્થાનિક રહેવાસીઓમાં ભય અને રોષનો માહોલ છે. નાગરિકો હવે વિસ્તારની સુરક્ષા અને પરપ્રાંતીયોની સઘન તપાસ કરવાની માંગ કરી રહ્યા છે.
🫵”હે દ્રોપદી શસ્ત્ર ઉઠાઓ…” જેવી કવિતાની પંક્તિઓ આજે સુરતની આ ઘટના જોઈને સાર્થક થતી જણાય છે. માસૂમ બાળકીઓની સુરક્ષા માટે હવે કડક કાયદા અને અમલીકરણની તાતી જરૂરિયાત છે.