- સાયબર ઠગાઈનો ભોગ: વડોદરાની અગ્રણી કંપની ‘દીપક નાઇટ્રાઇટ લિમિટેડ’ આંતરરાષ્ટ્રીય સાયબર ફ્રોડનો ભોગ બની છે.
- કૌભાંડની રીત: સાયબર ઠગોએ ‘મેન ઇન ધ મિડલ’ (Man-in-the-Middle) પદ્ધતિથી ઈ-મેઈલ હાઈજેક કરીને કંપનીને ખોટી બેંક વિગતો મોકલી હતી.
- રૂ. 47 લાખનો ચૂનો: કંપનીએ જર્મન કંપનીના નામે પોર્ટુગલની બેંકમાં રૂ. 47 લાખ (46,959 યુરો) ટ્રાન્સફર કરી દીધા હતા.
- પોલીસ તપાસ: ત્રણ મહિના પછી સત્ય બહાર આવતા કંપનીએ ફરિયાદ નોંધાવી છે; પોલીસ હવે આંતરરાષ્ટ્રીય કનેક્શનની તપાસ કરી રહી છે.
વડોદરાની જાણીતી કેમિકલ કંપની દીપક નાઇટ્રાઇટ લિમિટેડ સાયબર ઠગાઈનો ભોગ બની છે. આંતરરાષ્ટ્રીય સ્તરે આચરાયેલા આ કૌભાંડમાં કંપનીને લાખો રૂપિયાનો ફટકો પડ્યો છે.
🧐કૌભાંડની રીત:
વડોદરાની દીપક નાઇટ્રાઇટ લિમિટેડ દ્વારા જર્મનીની એક કંપની સાથે ટેકનિકલ કરાર કરવામાં આવ્યો હતો. આ કરાર મુજબ ચુકવણી કરતી વખતે સાયબર ઠગોએ ‘મેન ઇન ધ મિડલ’ (Man-in-the-Middle) પદ્ધતિથી ઈ-મેઈલ હાઈજેક કરીને કંપનીને ખોટી બેંક કંપનીના અધિકારીઓને અસલી જેવું લાગતું નકલી ઈ-મેઈલ આઈડી બનાવી ગેરમાર્ગે દોર્યા હતા. ઠગોએ બંને કંપનીઓ વચ્ચેના ઈ-મેઈલ વ્યવહારમાં ઘૂસણખોરી કરીને બેંક વિગતો બદલી નાખી હતી.
🧐રૂ. 47 લાખનો ચૂનો
પરિણામે, કંપનીએ અજાણતા જ 46,959 યુરો એટલે કે અંદાજે 47 લાખ રૂપિયા પોર્ટુગલ સ્થિત એક બેંક ખાતામાં જમા કરાવી દીધા હતા. ત્રણ મહિના બાદ જ્યારે જર્મન કંપનીએ બાકી રકમ અંગે પૂછપરછ કરી ત્યારે સમગ્ર કૌભાંડ સામે આવ્યું હતું. કંપનીએ તાત્કાલિક કોટક મહિન્દ્રા બેંકનો સંપર્ક કર્યો હતો, પરંતુ રકમ પાછી મેળવવામાં સફળતા મળી નથી.
🚨પોલીસ તપાસ
ત્રણ મહિના પછી સત્ય બહાર આવતા કંપનીએ ફરિયાદ નોંધાવી છે.હાલ ભાદરવા પોલીસ અને સાયબર ક્રાઈમ ટીમ આંતરરાષ્ટ્રીય કનેક્શનને ધ્યાનમાં રાખીને ઊંડાણપૂર્વક તપાસ કરી રહી છે.
