વડોદરા શહેરના કલાલી રોડ વિસ્તારમાં વગર ડિગ્રીએ ડેન્ટિસ્ટની પ્રેક્ટિસ કરનાર બોગસ તબીબને ઝડપી પાડીને 15 હજારનો મુદ્દામાલ કબ્જે લીધો છે.
વડોદરા શહેરના એક જાગૃત નાગરિકર માંજલપુર પોલીસને જાણ કરી હતી કે કલાલી રોડ પર આવેલા પાર્ક પેરેડાઈઝ કોમ્પલેક્ષના દુકાન નંબર 124 શિવશક્તિ ડેન્ટલ ક્લિનિક નામે ડોકટર દાંતના દર્દનો ઈલાજ કરે છે. જોકે તેઓ પાસે કોઈ ડિગ્રી નથી. જે માહિતીના આધારે પોલીસે ક્લિનિકમાં જઈને તપાસ કરતા ડોકટર બની ને બેઠેલા સંતોષકુમાર સુરેશચંદ્ર ચકની પૂછપરછ કરી હતી. બનાવટી ડોકટર પાસે ડેન્ટિસ્ટની પ્રેક્ટિસ કરવા માટેની કોઈ ડિગ્રી ન હોવાની કબૂલાત કરતા પોલીસે તેની અટકાયત કરી હતી.
બોગસ તબીબ સંતોષકુમાર ચક રહે. શ્યામલ સોસાયટી ગાયત્રી મંદિર પાસે વાઘોડિયા રોડ, મૂળ રહે આગ્રા ઉત્તરપ્રદેશની ધરપકડ કરીને ક્લિનિકમાં વાપરવામાં આવતા મેડિકલ સરસામાનનો જથ્થો જપ્ત કરીને વધુ કાર્યવાહી હાથ ધરી છે.
