વડોદરા: વારસીયા વિસ્તારમાં થયેલી ₹7.33 લાખની ચોરીનો ગણતરીના દિવસોમાં ભેદ ઉકેલાયો

વડોદરા: શહેરના વારસીયા વિસ્તારમાં આવેલી મીરા સોસાયટીમાં થયેલી મોટી ચોરીનો ભેદ ઉકેલવામાં વડોદરા શહેર પોલીસને સફળતા મળી છે. પોલીસ કમિશનર નરસિમ્હા કોમાર અને અધિક પોલીસ કમિશનર ડૉ. લીના પાટીલના માર્ગદર્શન હેઠળ વારસીયા પોલીસે ટેકનિકલ એનાલિસિસની મદદથી આરોપીને હાલોલ બસ સ્ટેન્ડ પાસેથી ઝડપી પાડ્યો છે.

📍ઘટનાની વિગત

ગત તારીખ 04/03/2026 ના રોજ રાત્રિના સમયે વારસીયા વિસ્તારમાં આવેલી મીરા સોસાયટીના એક મકાનમાં તિજોરીના લોકરમાંથી:

• સોના-ચાંદીના દાગીના: કિંમત ₹2,26,000/-
• રોકડ રકમ: ₹5,07,000/-
• કુલ ચોરી: ₹7,33,000/-

આ મામલે વારસીયા પોલીસ સ્ટેશનમાં ભારતીય ન્યાય સંહિતા-2023 ની કલમ 331(3), 331(4), અને 305(એ) મુજબ ગુનો નોંધવામાં આવ્યો હતો.

❓કેવી રીતે પકડાયો આરોપી?

DCP ઝોન-04  એન્ડ્રુ મેકવાન અને ACP “જી” ડિવિઝન  એસ.પી. ભોજાણીની સૂચનાથી પોલીસ ઇન્સ્પેક્ટર વાય.જી. મકવાણાની ટીમે તપાસ હાથ ધરી હતી. સર્વેલન્સ ટીમને ટેકનિકલ એનાલિસિસ અને હ્યુમન સોર્સ દ્વારા બાતમી મળી હતી કે આરોપીઓ ચોરીના મુદ્દામાલ સાથે હાલોલ બસ સ્ટેન્ડ પાસે છે. પોલીસે તુરંત ટીમ મોકલી આરોપીને દબોચી લીધો હતો.

🧐મિત્રએ જ આપી હતી ‘ટીપ’

પોલીસ પૂછપરછમાં ચોંકાવનારો ખુલાસો થયો છે. મુખ્ય આરોપી ગુલામ ખ્વાઝાને તેની એક મહિલા મિત્રએ ટીપ આપી હતી. આ મહિલા આરોપીની બહેનપણીના ઘરે જ ચોરી થઈ હતી. મહિલા મિત્રને ઘરની ચાવી અને તિજોરીની ચાવી ક્યાં રહે છે તેની સંપૂર્ણ જાણકારી હતી, જેના આધારે આખું કાવતરું ઘડવામાં આવ્યું હતું.

🚨પકડાયેલ આરોપીની વિગત

• નામ: ગુલામ ખ્વાઝા મહંમદ સબીર શેખ (ઉંમર 22 વર્ષ)
• રહેવાસી: ફાર્વેલ નગર, મેઘદૂતનગર સોસાયટી પાછળ, કારેલીબાગ, વડોદરા. (મૂળ રહે. ઉત્તર પ્રદેશ)

👮પોલીસે ચોરીમાં ગયેલ તમામ મુદ્દામાલ અને ગુનામાં વપરાયેલ વાહન કબજે કરી આગળની કાયદેસરની કાર્યવાહી હાથ ધરી છે.