વડોદરા શહેરના છેવાડે આવેલા કલાલી ચાણક્ય વુડામાં રહેતા 22 વર્ષીય પવન ઠાકોરને ચાર અસામાજિક તત્વોએ ચપ્પુના ઘા ઝીંકી મોતને ઘાટ ઉતાર્યો હોવાનો બનાવ સામે આવ્યો છે.
પ્રાપ્ત માહિતી અનુસાર કલાલી નૂર્મના મકાનમાં લગ્ન પ્રસંગ માં ડી.જે વાગતું હતું.પ્રકાશ ચૌહાણના લગ્નમાં DJના તાલે મહેમાનો નશો કરી ગમે એમ ગાળો બોલતા હોય અને નિયત સમય કરતાં વધારે સમય સુધી DJ વગાડતા હોય કોઈ સ્થાનિકે પોલીસ કંટ્રોલ રૂમને 100 નંબર પર વર્ધિ આપી ડી.જે બંધ કરવા જણાવ્યું હતું.
ત્યારબાદ પોલીસ આવી ને ડી.જે બંધ કરાવી જતી રહી હતી. પોતાના લગ્નમાં DJ બંધ કરવું હોવાની અદાવત તેમજ શંકા રાખીને ત્યાં જ રહેતા 22 વર્ષીય પવન ઠાકોર સાથે વરરાજા પ્રકાશ ચૌહાણ તેમજ અજય ચૌહાણ ઝઘડો કરવા પહોંચ્યા હતા.
પવનઅને તેના બહેન ત્યાં એના ઘર પાસે બેઠા હતા એટલા માં વરરાજા પ્રકાશ ચૌહાણ અને તેના માતા પવન પાસે આવી ને “તે પોલીસ બોલાવી ડી.જે કેમ બંધ કરાવ્યું?” એવું કહી મારા મારી અને બોલાચાલી શરૂ કરી દીધી હતી ત્યારબાદ પવનને બચાવવા માટે તેની બહેન પણ વચ્ચે પડી હતી. મામલો વધારે બગડતા વરરાજા પ્રકાશ ચૌહાણ તેમજ તેમના ભાઈ અજય ચૌહાણ તેમજ તેઓના બે અન્ય મિત્રો આવી જતા પવનને ઢોરમાર મારતા હતા તે સમય દરમિયાન વરરાજા પ્રકાશે પોતાની લગ્ન ની કટારી ( ચાકુ) વડે પવન પર પેટના ભાગે તેમજ માથાના ભાગે ઉપર છાપરી ઘા કર્યા હતા.
તેઓના ભાઈ અજય તેમજ અન્ય બે ઈસમો દ્વારા પવનને પકડી રાખી વરરાજા પ્રકાશે ચાકુ ના ઘા મારી લોહી લુહાણ હાલત માં મૂકી ને ફરાર થઇ ગયા હતા.અસંખ્ય ઘા ઝીંકાયા બાદ પવન બેભાન અવસ્થામાં નીચે પડી ગયો હતો ત્યારબાદ આજુબાજુ લોકો આવી 108 ને જાણ કરતા સયાજી હોસ્પિટલ લઈ જતા રસ્તામાં જ તેનું મોત નીપજ્યું હતું.અટલાદરા પોલીસ ને સમગ્ર ઘટના ની જાણ થતા પી.આઈ સહિત નો કાફલો ઘટનાસ્થળે દોડી આવી તાપસ હાથધરી હતી અને તમામ આરોપીઓ ને ઝડપી પાડવા માટે ચક્રોગતિમાન કર્યા છે.
