“પગાર વધારો અને નવા મોબાઈલ આપો”: સાવલીમાં આંગણવાડી બહેનોનો હલ્લાબોલ.

• આંદોલનનો માર્ગ: સાવલીમાં 18 થી 20 માર્ચ સુધી આંગણવાડી બહેનો કામથી રહેશે અળગી.
• GAKS સંગઠનનો હુંકાર: પગાર વધારો અને લઘુત્તમ વેતન સહિતની માંગણીઓ સાથે લેખિત જાણ.
• ડિજિટલ વિરોધ: એફઆરએસ સિસ્ટમ બંધ કરવા અને નવા મોબાઈલ આપવાની ઉઠી માંગ.
• પુરવઠો ઠપ્પ: આંગણવાડી કેન્દ્રોમાં નાસ્તો અને દૂધનો પુરવઠો બંધ રાખવા વિનંતી.

વડોદરા (સાવલી): વડોદરા જિલ્લાના સાવલી તાલુકામાં આંગણવાડી કાર્યકરો અને હેલ્પરોએ પોતાની લાંબા સમયની પડતર માંગણીઓને લઈને સરકાર સામે મોરચો માંડ્યો છે.તેને લઈ ધારાસભ્ય કેતનભાઈ ને મૌલિક રજૂવાત કરેલ છે.GAKS સંગઠન દ્વારા લેખિત જાણ કર્યા બાદ, આજથી 18 થી 20 માર્ચ સુધી ત્રણ દિવસના કામ બહિષ્કારનું એલાન આપવામાં આવ્યું છે.

👇મુખ્ય માંગણીઓ:

આંગણવાડી બહેનો દ્વારા સરકાર સમક્ષ અનેક મહત્વની રજૂઆતો કરવામાં આવી છે, જેમાં મુખ્યત્વે:

• પગાર વધારો: લઘુત્તમ વેતન મુજબ પગાર લાગુ કરવાની માંગ.
• ​નિવૃત્તિ વય: નિવૃત્તિની વય મર્યાદા ૬૦ વર્ષ કરવાની રજૂઆત.
• ​ડિજિટલ મુશ્કેલી: જૂના મોબાઈલ બદલીને નવા આપવા અને એફઆરએસ (FRS) જેવી જટિલ સિસ્ટમ બંધ કરવાની માંગ.
• ​રજાઓ: ઉનાળામાં વેકેશન આપવા અને વધારાના કામનો બોજ ઘટાડવાની માંગણી.

🧐તંત્રની બેદરકારીનો આક્ષેપ:

સંગઠનનું કહેવું છે કે વારંવાર રજૂઆતો કરવા છતાં સરકાર દ્વારા કોઈ નક્કર ઉકેલ લાવવામાં આવ્યો નથી. બિલ અને અન્ય ખર્ચાઓની ચુકવણી પણ નિયમિત ન થતી હોવાથી કર્મચારીઓમાં ભારે રોષ જોવા મળી રહ્યો છે. આ આંદોલન દરમિયાન આંગણવાડીઓમાં અપાતો નાસ્તો અને દૂધનો પુરવઠો પણ બંધ રાખવા વિનંતી કરવામાં આવી છે.

🙏સરકારને અપીલ:

GAKS સંગઠને સરકારને તાત્કાલિક બેઠક બોલાવી પ્રશ્નોનો ઉકેલ લાવવા અપીલ કરી છે. સાથે જ અધિકારીઓને ચેતવણી આપી છે કે હડતાલ પર ઉતરેલી બહેનો પર કોઈપણ પ્રકારનું દબાણ ન કરવામાં આવે. જો માંગણીઓ સંતોષવામાં નહીં આવે તો આગામી સમયમાં આંદોલન વધુ ઉગ્ર બનાવવાની ચીમકી પણ ઉચ્ચારવામાં આવી છે.આ હડતાલને કારણે ગ્રામ્ય સ્તરે બાળકોના પોષણ અને આરોગ્યલક્ષી સેવાઓ પર મોટી અસર પડવાની શક્યતા છે.