🚨વડોદરામાં મ્યુલ એકાઉન્ટ મારફતે સાયબર ઠગાઈના કેસોમાં સતત વધારો થઈ રહ્યો છે. આ કડીમાં કપુરાઈ પોલીસે સોમા તળાવ ચાર રસ્તા પાસે આવેલી સ્ટેટ બેંક ઓફ ઈન્ડિયાની શાખામાં તપાસ હાથ ધરતાં વધુ એક સાયબર ફ્રોડનો મામલો બહાર આવ્યો છે.
💰 બેંક ખાતામાં અનધિકૃત રીતે ₹2.87 લાખ જમા
✓ પોલીસ તપાસમાં જાણવા મળ્યું કે, સમીર ભિવાજી મસ્કે (રહે. સિધેશ્વર હેપ્પીનેસ, સોમા તળાવ)ના બેંક ખાતામાં તા. 18 થી 30 એપ્રિલ દરમિયાન રૂ. 2.87 લાખની રકમ અનઑથોરાઇઝ્ડ રીતે જમા થઈ હતી.
✓ આ ખાતા સામે નેશનલ સાયબર ક્રાઇમ રિપોર્ટિંગ પોર્ટલ (NCRP) પર એક ફરિયાદ નોંધાયેલી હોવાનું પણ બહાર આવ્યું છે.
🎮 ‘ડ્રીમ ઇલેવન’ના નામે છેતરપિંડીની કબૂલાત
પોલીસ પૂછપરછ દરમિયાન ખાતાધારક આરોપી સમીર મસ્કેએ સમગ્ર કૌભાંડની કબૂલાત કરી હતી. તેણે જણાવ્યું હતું કે, તેના પરિચિત રાજનકુમાર નામના શખ્સે તેને આ કૃત્યમાં સામેલ કર્યો હતો.
- મોડસ ઓપરેન્ડી: રાજનકુમારના કહેવા મુજબ, ડ્રીમ ઇલેવનમાં પૈસા જીતેલા કસ્ટમરોનો સંપર્ક કરી તેમને ડ્રીમ ઇલેવન કસ્ટમર કેરની ઓળખ આપવામાં આવતી હતી.
- ઠગાઈ: બાદમાં પૈસા ઉપાડવાની લિમિટ વધારવાના બહાને કસ્ટમરો પાસેથી રૂ. 50 હજારનો ચાર્જ ચૂકવવાનું કહીને નાણાં પડાવવામાં આવતા હતા.
- મ્યુલ એકાઉન્ટનો ઉપયોગ: આ છેતરપિંડીની રકમ રાજનના ખાતામાં ટ્રાન્સફર કરાવવામાં આવતી અને ત્યારબાદ તેમાંથી અડધી રકમ સમીરના ખાતામાં જમા કરાવી એટીએમ મારફતે ઉપાડી લેવામાં આવતી હતી.
⚖️ કાર્યવાહી શરૂ
આ મામલે કપુરાઈ પોલીસે ખાતાધારક સમીર મસ્કે તેમજ રાજનકુમાર સહિતના સંડોવાયેલા શખ્સો સામે ભારતીય ન્યાય સંહિતા (BNS) ની કલમ 318(4), 61(2) તથા આઈ.ટી. એક્ટની જોગવાઈઓ મુજબ ગુનો નોંધી કાયદેસરની કાર્યવાહી શરૂ કરી છે. પોલીસે સાયબર ફ્રોડના આ મ્યુલ એકાઉન્ટ કૌભાંડમાં સંડોવાયેલા અન્ય શખ્સોની પણ તપાસ હાથ ધરી છે.
