દેશના હાઈવે પર મુસાફરી કરનારાઓ માટે એક મહત્વના સમાચાર સામે આવ્યા છે. જો તમે હજુ પણ ટોલ પ્લાઝા પર રોકડ (Cash) આપીને ટેક્સ ચૂકવો છો, તો સાવધાન થઈ જજો. આગામી 1 એપ્રિલ 2026 થી હાઈવે જર્નીનો રસ્તો સંપૂર્ણપણે બદલાવા જઈ રહ્યો છે. મોદી સરકારના એક ઐતિહાસિક નિર્ણય મુજબ, હવે ટોલ પ્લાઝા પર ‘કેશ’ નહીં ચાલે. હવે ટોલ પ્લાઝા પર કેશ લેન ભૂતકાળ બનશે.
દેશના રાષ્ટ્રીય રાજમાર્ગો (National Highways) ને હાઈટેક અને ડિજિટલ બનાવવા માટે સરકારે કમર કસી છે. માર્ગ પરિવહન અને ધોરીમાર્ગ મંત્રાલયના સચિવ વી. ઉમાશંકરે તાજેતરમાં જાહેરાત કરી છે કે 1 એપ્રિલ 2026 થી તમામ ટોલ પ્લાઝા પર રોકડ ચુકવણી સંપૂર્ણપણે બંધ કરી દેવામાં આવશે.
👇આ નિર્ણયના મુખ્ય મુદ્દાઓ:
- ડિજિટલ ઓન્લી: ટોલ ટેક્સ ચૂકવવા માટે હવે માત્ર FASTag અથવા UPI જેવી ડિજિટલ પદ્ધતિઓ જ માન્ય રહેશે.
- કેશ લેન બંધ: જે લોકો અત્યાર સુધી રોકડ ચૂકવવા માટે અલગ લેનમાં ઊભા રહેતા હતા, તે લેન હવે બંધ કરી દેવામાં આવશે.
- પાયલટ પ્રોજેક્ટ: હાલમાં દેશના 25 મુખ્ય ટોલ પ્લાઝા પર આ ટેકનોલોજીનું પરીક્ષણ ચાલી રહ્યું છે, જેમાં ગુજરાતના ચોર્યાસી અને હરિયાણાના ઘરાઉન્ડા જેવા પ્લાઝાનો સમાવેશ થાય છે.
❓શા માટે લેવાયો આ નિર્ણય?
- સરકારના આ નિર્ણય પાછળના 3 મુખ્ય કારણો છે:
- સમયની બચત: ટોલ પર લાગતી લાંબી લાઈનો અને ટ્રાફિક જામની સમસ્યાનો કાયમી ઉકેલ આવશે.
- ઈંધણની બચત: વારંવાર વાહન રોકવા અને ચાલુ કરવાની ઝંઝટ મુક્ત થવાથી ડીઝલ-પેટ્રોલનો બચાવ થશે.
- પારદર્શિતા: મેન્યુઅલ વસૂલાત બંધ થવાથી સિસ્ટમ વધુ કાર્યક્ષમ અને પારદર્શક બનશે.
ભવિષ્યની તૈયારી: ‘મલ્ટી લેન ફ્રી ફ્લો’ (MLFF) સિસ્ટમ આ ફેરફાર માત્ર શરૂઆત છે. સરકાર આગામી સમયમાં ‘મલ્ટી લેન ફ્રી ફ્લો’ (MLFF) સિસ્ટમ લાવવાની તૈયારીમાં છે. આ સિસ્ટમ અંતર્ગત:
- હાઈવે પર કોઈ બેરિયર નહીં હોય.
- વાહનો 80 કિમી/કલાકની ઝડપે રોકાયા વગર ટોલ પાર કરી શકશે.
- ANPR (ઓટોમેટિક નંબર પ્લેટ રેકગ્નિશન) કેમેરા દ્વારા સીધો ટોલ કપાઈ જશે.
તો જો તમારી પાસે હજુ પણ FASTag નથી અથવા તે અપડેટ નથી, તો 1 એપ્રિલ પહેલા આ કામ પૂરું કરી લેજો, કારણ કે હવે રસ્તા પર ‘કેશ’ નહીં પણ ‘ટેકનોલોજી’ ચાલશે.
