પોલીસની હાજરીમાં જ નિયમોના ધજાગરા! માણેજા અકસ્માત સ્થળ પરથી પોલીસની સામે જ પસાર થયા બેફામ ભારદારી વાહનો

• મોટી હોનારત ટળી: ટેન્કરની જોરદાર ટક્કરથી કાર હવામાં બે રાઉન્ડ ફરી ડિવાઈડર પર ચઢી ગઈ, પણ કારમાં સવાર પિતા-પુત્ર સુરક્ષિત.
• બેફામ ભારદારી વાહનો: આમ તો આખા વડોદરામાં જ, દક્ષિણ વિસ્તારમાં માણેજા ક્રોસિંગ પાસે નંબર પ્લેટ વિનાના ટેન્કરે સર્જ્યો અકસ્માત.
• પુત્રની પરીક્ષા: કારેલીબાગ ખાતે GUJCETની પરીક્ષા અપાવવા જતા પિતા સાથે બની ઘટના, પુત્રને અન્ય વાહનમાં પરીક્ષા કેન્દ્ર મોકલાયો.
• ચાલક ફરાર: અકસ્માત સર્જી ટેન્કર ચાલક ઘટનાસ્થળેથી ભાગી છૂટ્યો, પોલીસે ટેન્કર કબજે કરી વધુ તપાસ હાથ ધરી.

વડોદરા: સંસ્કારી નગરી વડોદરામાં ભારદારી વાહનોનો ત્રાસ દિન-પ્રતિદિન વધી રહ્યો છે, અને તેના કારણે વધુ એક ગમખ્વાર અકસ્માતની ઘટના સામે આવી છે. શહેરના દક્ષિણ વિસ્તારમાં આવેલા માણેજા ક્રોસિંગ પાસે એક બેફામ હંકારી આવેલા ટેન્કરે કારને પાછળથી જોરદાર ટક્કર મારી હતી. આ ટક્કર એટલી પ્રચંડ હતી કે કાર બે રાઉન્ડ ફરીને હવામાં ઉછળી અને ઊંધી થઈને ડિવાઈડર પર ચઢી ગઈ હતી. જોકે, આ ભયાનક અકસ્માતમાં કારમાં સવાર પિતા અને પુત્રનો આબાદ બચાવ થયો છે, જે એક મોટો ચમત્કાર કહી શકાય.

📌ઘટનાની વિગત:

પ્રાપ્ત માહિતી અનુસાર, કાર ચાલક પોતાના પુત્રને કારેલીબાગ ખાતે ગુજકેટ (GUJCET) ની પરીક્ષા અપાવવા માટે માલસરથી આવી રહ્યા હતા. તેઓ માણેજા ક્રોસિંગ પાસેથી પસાર થઈ રહ્યા હતા, ત્યારે પાછળથી કોઈ પણ કારણ વગર એક ટેન્કરે તેમની કારને સીધી જ ટક્કર મારી દીધી હતી. કાર ચાલકે જણાવ્યું કે, “હું સીધો મારો રૂટ પકડીને ચાલી રહ્યો હતો. ટેન્કર ચાલકે કઈ રીતે પાછળથી ટક્કર મારી તેની મને કોઈ સમજણ પડી નથી. તેણે કોઈ ઓવરટેક કરવાનો પ્રયાસ નહોતો કર્યો. મારી ગાડી બે રાઉન્ડ ફરીને ઊંધી થઈ ડિવાઈડર પર ચઢી ગઈ હતી.”

🧐પુત્રને પરીક્ષા આપવા મોકલાયો:

સદનસીબે, અકસ્માતમાં પિતા કે પુત્રમાંથી કોઈને પણ ઈજા પહોંચી નથી. અકસ્માત બાદ તરત જ પિતાએ પોતાના પુત્રને અન્ય એક વાહન મારફતે કારેલીબાગ ખાતેના પરીક્ષા કેન્દ્ર પર મોકલી આપ્યો હતો, જેથી તેની પરીક્ષામાં કોઈ વિલંબ ન થાય. પુત્ર ગુજકેટની પરીક્ષા આપી રહ્યો છે, જે એક રાહતના સમાચાર છે.

🚨પોલીસ કાર્યવાહી:

અકસ્માત સર્જનાર ટેન્કર નંબર પ્લેટ વિનાનું હતું, જે તંત્રની રહેમનજર હેઠળ ચાલતા ગેરકાયદેસર વાહનો સામે ગંભીર સવાલો ઉભા કરે છે. અકસ્માત સર્જીને ટેન્કર ચાલક ઘટનાસ્થળેથી ફરાર થઈ ગયો હતો, જેની જાણ થતા જ સ્થાનિક પોલીસનો કાફલો ઘટનાસ્થળે દોડી આવ્યો હતો. પોલીસે અકસ્માતગ્રસ્ત ટેન્કરને કબજે કરી ફરાર ચાલકની શોધખોળ હાથ ધરી છે. જોકે, આશ્ચર્યની બાબત એ છે કે વડોદરા શહેરના દક્ષિણ વિસ્તારમાં ભારદારી વાહનોની અવરજવર રોકવા માટે ટ્રાફિક પોલીસનો નિયમ પ્રમાણ બપોર ૧ થી ૪ ની સમય ભારદારી વાહનો શહેરમાં પ્રવેશી શકે, અકસ્માત વાળી જગ્યાએથી જ પોલીસની નજર સામે જ બીજા ૩ થી ૪ ભારદારી વાહનો બેફામ રીતે પસાર થયા હતા. પોલીસની હાજરી હોવા છતાં પણ ભારે વાહનોના ચાલકોની અણઘડ ડ્રાઈવિંગ અને નિયમોના ઉલ્લંઘનથી સ્થાનિક રહીશોમાં ભારે રોષ જોવા મળી રહ્યો છે.

🫵એક બાજુ પરીક્ષાનું ટેન્શન અને બીજી બાજુ આવો અકસ્માત, આ પરિવાર માટે આજનો દિવસ અત્યંત તણાવપૂર્ણ રહ્યો. શું પોલીસ આ મામલે કડક કાર્યવાહી કરશે? જેથી આવા અકસ્માતો ભવિષ્યમાં ટાળી શકાય.