વડોદરામાં વર્લ્ડ કપના જશ્નમાં જોખમી સ્ટંટ અને પોલીસ સાથે ઘર્ષણ, નિયમોના ઉડ્યા લીરેલીરા

ભારતે સતત ત્રીજી વખત T20 વર્લ્ડ કપ જીતીને ઇતિહાસ રચ્યો છે, જેની ખુશીમાં આખો દેશ ઝૂમી રહ્યો છે. સંસ્કારી નગરી વડોદરામાં પણ ક્રિકેટ પ્રેમીઓ રસ્તા પર ઉતરી આવ્યા હતા. જોકે, આ ઉજવણી દરમિયાન ક્યાંક જોખમી સ્ટંટ જોવા મળ્યા તો ક્યાંક પોલીસ અને જનતા વચ્ચે ઉગ્ર બોલાચાલીના દ્રશ્યો સર્જાયા હતા. ઉજવણીના નામે જીવ જોખમમાં મૂકતા યુવકોનો વીડિયો પણ સોશિયલ મીડિયા પર વાયરલ થયો છે.

🧐જોખમી સ્ટંટ

વડોદરાના નવનિર્મિત બ્રિજ નીચે વિજય રેલી દરમિયાન કાયદાના ધજાગરા ઉડતા જોવા મળ્યા.

• ચાલુ કાર પર સ્ટંટ: એક યુવક કોઈ પણ સેફ્ટી વિના ચાલુ કારની છત પર ઊભો રહી તિરંગો લહેરાવી રહ્યો હતો.
• ​બેજવાબદાર ડ્રાઇવિંગ: તેની બાજુમાં બાઈક સવાર યુવક એક હાથે સ્ટેયરિંગ પકડી બીજા હાથે મોબાઈલથી વીડિયો ઉતારી રહ્યો હતો.
• ​પોલીસને પડકાર: ટ્રાફિક સિગ્નલ પાસે પણ આ જોખમી સ્ટંટ ચાલુ રહ્યો હતો, જે અન્ય વાહનચાલકો માટે અકસ્માતનું કારણ બની શકતો હતો.

🚨 સમા વિસ્તારમાં પોલીસ સાથે ઘર્ષણ

બીજી તરફ, વડોદરાના સમા વિસ્તારમાં મોડી રાત્રે જશ્નનો માહોલ તંગ બન્યો હતો.

• ડીજે મુદ્દે વિવાદ: સમા અભિલાષા ચાર રસ્તા પાસે ડીજે વગાડવા મુદ્દે પોલીસ અને યુવકો સામસામે આવી ગયા હતા.
• ઉગ્ર દલીલો: પોલીસે રાત્રે 11 વાગ્યા બાદ ડીજે બંધ કરાવતા યુવકો ભડક્યા હતા. યુવકોએ દલીલ કરી હતી કે, “અમે ભારતની જીતની ઉજવણી કરીએ છીએ, કોઈ ગુનો નથી કર્યો.”
• રાજકીય આક્ષેપ: આ સમગ્ર મામલે યુવકોએ પોલીસની કામગીરી ભાજપના ઈશારે થતી હોવાનો પણ ગંભીર આક્ષેપ કર્યો હતો. અંતે એક ગીત વગાડવાની મંજૂરી બાદ મામલો શાંત પડ્યો હતો.

🫵ભારતની જીતનો ગર્વ દરેક ભારતીયને છે, પરંતુ ઉજવણીના ઉત્સાહમાં કાયદા અને સુરક્ષાને નેવે મૂકવી કેટલે અંશે યોગ્ય છે? વડોદરાના આ વાયરલ વીડિયો હવે પોલીસ તપાસનો વિષય બન્યા છે.