આગામી 31 ડિસેમ્બરની ઉજવણીને ધ્યાનમાં રાખીને વડોદરા શહેર પોલીસ એક્શન મોડમાં આવી ગઈ છે. શહેરના વારસીયા પોલીસ સ્ટેશનના સ્ટાફે બાતમીના આધારે દરોડો પાડી વિદેશી દારૂ અને બીયરના જથ્થા સાથે એક આરોપીની ધરપકડ કરી છે.
વડોદરા શહેર પોલીસ કમિશનર શ્રી નરસિમ્હા કોમાર અને જે.સી.પી. ડો. લીના પાટીલની સૂચના હેઠળ, પ્રોહિબિશનની પ્રવૃત્તિઓને નાબૂદ કરવા માટે ખાસ ડ્રાઈવ ચલાવવામાં આવી રહી છે. જે અંતર્ગત ડી.સી.પી. ઝોન-4 અને એ.સી.પી. ‘જી’ ડિવિઝનના માર્ગદર્શન હેઠળ વારસીયા પોલીસ સ્ટેશનના પી.આઈ. એસ.એમ. વસાવા અને તેમની ટીમ પેટ્રોલિંગમાં હતી.
આ દરમિયાન હેડ કોન્સ્ટેબલ વનરાજ આંબાભાઈને સચોટ બાતમી મળી હતી કે, એસ.કે. કોલોનીમાં રહેતો અજય ગિરધારીલાલ તિલોકાણી પોતાના આર્થિક ફાયદા માટે રહેણાંક મકાનમાં વિદેશી દારૂનો જથ્થો છુપાવીને તેનું વેચાણ કરી રહ્યો છે.
📌મુદ્દામાલની વિગત:
પોલીસે બાતમીવાળા સ્થળે રેડ કરતા નીચે મુજબનો મુદ્દામાલ જપ્ત કર્યો છે:
- વિદેશી દારૂની બોટલો અને બીયરના ટીન (કુલ નંગ: 56) – કિંમત રૂ. 60,940/-
- મોબાઈલ ફોન – કિંમત રૂ. 8,000/-
- કુલ મુદ્દામાલ: રૂ. 68,940/-
🚨ધરપકડ અને વોન્ટેડ:
પોલીસે 27 વર્ષીય આરોપી અજય તિલોકાણીની સ્થળ પરથી ધરપકડ કરી છે. જ્યારે આ ગુનામાં સંડોવાયેલા અન્ય બે આરોપીઓ અજય આહુજા અને હિતેન પુલવાણી (બંને રહે. વારસીયા) ને વોન્ટેડ જાહેર કરી તેમને ઝડપી પાડવા ચક્રો ગતિમાન કર્યા છે.
👮ટીમ વર્ક:
આ સફળ કામગીરીમાં પી.આઈ. એસ.એમ. વસાવા, સેકન્ડ પી.આઈ. ટી.એ. દેસાઈ તેમજ હેડ કોન્સ્ટેબલ વનરાજ આંબાભાઈ, જુનેદમીયા, અતુલભાઈ, ધીરાભાઈ અને પી.સી. મહેશભાઈ તથા એલ.આર.ડી. નિતેશભાઈએ મહત્વની ભૂમિકા ભજવી હતી.
