વડોદરા: મહારાષ્ટ્રના અપહરણ અને હત્યાના પ્રયાસના ગુનાના બે આરોપીઓ સયાજીગંજ પોલીસના સકંજામાં

મહારાષ્ટ્રના રાજગઢમાં અપહરણ અને પિસ્તોલ બતાવી જાનથી મારી નાખવાની ધમકી આપવાના ગંભીર ગુનામાં સંડોવાયેલા બે આરોપીઓને વડોદરાની સયાજીગંજ પોલીસે કમાટીબાગ પાસેથી ઝડપી પાડ્યા છે. પકડાયેલા આરોપીઓ પાસેથી પોલીસે રૂ. 1.50 લાખની કિંમતના એપલ કંપનીના મોંઘા મોબાઈલ ફોન પણ કબજે કર્યા છે.

❓શું હતો સમગ્ર બનાવ?

✓ગત તા. 03/03/2026ના રોજ મહારાષ્ટ્રના પુણે જિલ્લાના રાજગઢ પોલીસ સ્ટેશનમાં નોંધાયેલી ફરિયાદ મુજબ:
✓ફરિયાદી મહેશ ઉર્ફે લખન કાશીનાથ દળવીના પુત્ર પૃથ્વીરાજનું ગુરૂકૃપા મેડિકલ સામેથી કારમાં આવેલા પાંચ શખ્સોએ અપહરણ કર્યું હતું.
✓આરોપીઓએ યુવકને કારમાં બેસાડી માર મારી, મોઢામાં પિસ્તોલની નળી મૂકી જાનથી મારી નાખવાની ધમકી આપી હતી.
✓આ મામલે રાજગઢ પોલીસે ભારતીય ન્યાય સંહિતા (BNS) ની વિવિધ કલમો અને આર્મ્સ એક્ટ હેઠળ ગુનો નોંધી તપાસ હાથ ધરી હતી.

👮સયાજીગંજ પોલીસને મળી સફળતા

આ ગુનાના આરોપીઓ વડોદરામાં હોવાની ચોક્કસ માહિતી મળતા, પોલીસ કમિશનર નરસિમ્હા કોમર અને ઉચ્ચ અધિકારીઓની સૂચના હેઠળ સયાજીગંજ પોલીસ સ્ટેશનના પી.આઈ. એસ.જે. પંડ્યાના માર્ગદર્શનમાં ટીમો બનાવવામાં આવી હતી.

સર્વેલન્સ ટીમના PSI એ.ડી. બારોટ અને તેમની ટીમને બાતમી મળી હતી કે આરોપીઓ કમાટીબાગ ગેટ નં-1 પાસે એકાંતમાં બેઠા છે. પોલીસે તુરંત કાર્યવાહી કરી નીચે મુજબના આરોપીઓની અટકાયત કરી છે:

🧐કબજે કરેલ મુદ્દામાલ

પોલીસે આરોપીઓ પાસેથી બે કિંમતી મોબાઈલ ફોન કબજે કર્યા છે:

1. એપલ 13 Pro (કિંમત રૂ. 25,000/-)
2. એપલ 17 Pro (કિંમત રૂ. 1,25,000/-)
   
3. કુલ કિંમત: રૂ. 1,50,000/-

🚨આગળની કાર્યવાહી

સયાજીગંજ પોલીસે ભારતીય નાગરિક સુરક્ષા સંહિતા (BNSS) ની કલમ 35 (1) (જે) મુજબ આરોપીઓની અટકાયત કરી છે અને આ અંગે મહારાષ્ટ્રની રાજગઢ પોલીસને જાણ કરી આગળની સોંપણીની તજવીજ હાથ ધરી છે.