રાજ્યભરમાં ચૂંટણીનો માહોલ સંપૂર્ણ રીતે જામી ગયો છે ગુજરાતમાં આવેલી તમામ 26 લોકસભાની બેઠકો માટે ગતરોજથી ઉમેદવારી પત્રો ભરવાની શરૂઆત થઈ ગઈ છે જેમાં તમામ રાજકીય પક્ષોના ઉમેદવારો પણ ઉમેદવારી પત્રો ભરવા ઉત્સુક છે ત્યારે આજે વડોદરા લોકસભા બેઠકના ભાજપ અને કોંગ્રેસના ઉમેદવારોએ ઉમેદવારી ફોર્મ ભરવાની તારીખની જાહેરાત કરતા રાજકીય માહોલ જામ્યો છે
વડોદરા લોકસભા બેઠકના ભાજપ ના ઉમેદવાર ર્ડો હેમાંગ જોષી આગામી તા. 16 એપ્રિલેના રોજ સવારે 11 વાગ્યે ઇસ્કોન મંદિર થી પગપાળા નીકળી ને કલેકટર કચેરી પહોંચશે અને કલેક્ટર કચેરી ખાતે ભાજપ પ્રદેશના નેતાઓની હાજરીમાં પોતાનું ઉમેદવારી પત્ર ભરશે બીજી તરફ વડોદરા લોકસભા બેઠકના કોંગ્રેસના ઉમેદવાર જસપાલસિંહ પઢિયાર આગામી તા. 18 એપ્રિલના રોજ ભરશે ઉમેદવારી ફોર્મ કોંગ્રેસના ઉમેદવાર ગુજરાત પ્રદેશ કોંગ્રેસ પ્રમુખ, રાજ્યસભા સાંસદસભ્ય અમી બેન યાજ્ઞિક સહિત પ્રદેશ કોંગ્રેસનાં વરિષ્ઠ નેતાઓની ઉપસ્થિતમાં પોતાનું ઉમેદવારી પત્ર ભરશે
ગુજરાતમાં આવેલી તમામ 26 લોકસભાની બેઠકો માટે 19 એપ્રિલ ઉમેદવારી કરવાની છેલ્લી તારીખ છે અને 20 એપ્રિલે ઉમેદવારી પત્રની ચકાસણી કરવામાં આવશે જયારે 22 એપ્રિલ ઉમેદવારી પરત ખેંચવાની છેલ્લી તારીખ છે વડોદરામાં ગતરોજ પ્રથમ દિવસે જ રાજકીય પક્ષો દ્વારા ધડાધડ ઉમેદવારી પત્રોનો ઉપાડ કરવામાં આવ્યો હતો પ્રથમ દિવસે જ વડોદરા લોકસભા બેઠક માટે 43 ઉમેદવારી ફોર્મનો ઉપાડ થયો હતો
