વડોદરામાં ધૂળેટીના પર્વની મોજ વચ્ચે ફતેપુરા વિસ્તારમાં જૂની અદાવતને લઈ લોહિયાળ ખેલ ખેલાયો હતો. ફતેપુરાની ખારી તલાવડી વિસ્તારમાં એક જ કોમના બે જૂથો વચ્ચે સામસામે પથ્થરમારો થતા અફરાતફરી મચી ગઈ હતી. આ મામલે કુંભારવાડા પોલીસે બંને પક્ષોની ફરિયાદ નોંધી કાયદેસરની કાર્યવાહી હાથ ધરી છે.
વડોદરાના ફતેપુરા વિસ્તારમાં આવેલી ખારી તલાવડીમાં ધૂળેટીની સાંજે વાતાવરણ ત્યારે તંગ બન્યું જ્યારે જૂના ઝઘડાની અદાવતમાં બે જૂથો આમને-સામને આવી ગયા. કિશનવાડી શેરડીનગરના ભીખાભાઇ રાજપૂતના ભત્રીજા લખન પર અજય, પ્રકાશ અને અંકિત નામના શખ્સોએ હુમલો કર્યો હોવાનો આક્ષેપ છે.
- હુમલાનું કારણ: જૂના ઝઘડાની અદાવત.
- હિંસા: રિક્ષા પર પથ્થરમારો કરી કાચ તોડી નાખ્યા અને તલવાર બતાવી જાનથી મારી નાખવાની ધમકી આપી.
- ઇજાગ્રસ્તો: ભીખાભાઇના ભત્રીજા અને તેમની પત્નીને પથ્થરમારામાં ઇજાઓ પહોંચી.
- સામે પક્ષે ફરિયાદ: પ્રેમપ્રકાશ મારવાડીએ પણ ભીખા રાજપૂત અને તેમના પરિવાર સામે વળતી ફરિયાદ નોંધાવી છે.
🚨પોલીસ કાર્યવાહી:
કુંભારવાડા પોલીસે બંને પક્ષોની રજૂઆતો સાંભળી છે. પોલીસે પથ્થરમારો અને ધાકધમકી આપવા બદલ ગુનો દાખલ કરીને ધરપકડના ચક્રો ગતિમાન કર્યા છે. તહેવારના દિવસે થયેલી આ અથડામણને પગલે વિસ્તારમાં પોલીસ બંદોબસ્ત પણ ફાળવવામાં આવ્યો છે.
🫵આ ઘટનામાં ભીખા રાજપૂત પક્ષે અજય, પ્રકાશ અને અંકિત સામે, જ્યારે પ્રેમપ્રકાશ મારવાડીએ ભીખા અને તેમના પરિવાર સામે ફરિયાદ નોંધાવી છે.
