તેહરાન / વોશિંગ્ટન: ઈરાનમાં દાયકાઓથી લાગેલા આર્થિક પ્રતિબંધો અને હાલમાં ઈઝરાયેલ-અમેરિકા સાથેના સૈન્ય સંઘર્ષને કારણે અર્થતંત્ર સંપૂર્ણપણે ભાંગી પડ્યું છે. આ પાયમાલી વચ્ચે હવે જનતાનો રોષ ફાટી નીકળ્યો છે. તેહરાનના ગ્રાન્ડ બજારથી શરૂ થયેલા દેખાવો હવે મશહદ, ઈસ્ફહાન અને શિરાજ જેવા મુખ્ય શહેરોમાં ફેલાઈ ગયા છે.
- ચલણનું પતન: ઈરાની ચલણ ‘રિયાલ’ ડોલર સામે 1.42 મિલિયનના વિક્રમી નીચલા સ્તરે પહોંચી ગયું છે.
- ભયાનક મોંઘવારી: દેશમાં ફુગાવાનો દર 42.2% એ પહોંચ્યો છે, જ્યારે ખાદ્ય ચીજોના ભાવમાં 72% નો તોતિંગ વધારો થયો છે.
- નારાબાજી: દેખાવકારો “મુલ્લાઓ દેશ છોડો” અને “તાનાશાહી મુર્દાબાદ” ના નારા લગાવી રહ્યા છે. ઘણા સ્થળોએ પૂર્વ રાજા શાહના સમર્થનમાં પણ સૂત્રોચ્ચાર થયા છે.
- મહિલાઓનો વિરોધ: સગીરાઓ અને મહિલાઓએ જાહેરમાં બુરખા હટાવીને ઈસ્લામિક કાયદાઓ સામે પડકાર ફેંક્યો છે.
🇺🇸 ટ્રમ્પ અને નેતન્યાહુની ચેતવણી
અમેરિકન પ્રમુખ ડોનાલ્ડ ટ્રમ્પે ઈરાનને ગંભીર પરિણામોની ચેતવણી આપતા જણાવ્યું છે કે, જો ઈરાન પરમાણુ કે મિસાઈલ કાર્યક્રમ ફરી શરૂ કરશે તો અમેરિકા વિનાશક સૈન્ય હુમલો કરશે. બીજી તરફ, ટ્રમ્પે ઈઝરાયેલના વડાપ્રધાન નેતન્યાહુની પ્રશંસા કરતા તેમને ‘યુદ્ધકાલીન વડાપ્રધાન’ ગણાવ્યા છે.
🇮🇷 ઈરાનનો વળતો જવાબ
ધમકીઓના જવાબમાં ઈરાનના પ્રમુખ મસૂદ પેઝેશકિયને જણાવ્યું છે કે, “કોઈપણ આક્રમણનો જવાબ વધુ આકરો હશે અને હુમલાખોરોએ પસ્તાવો કરવો પડશે.” જોકે, આંતરિક રીતે સરકાર નરમ પડી રહી હોય તેમ પ્રમુખે ગૃહમંત્રીને પ્રદર્શનકારીઓની ‘વાજબી માંગણીઓ’ સાંભળવા સૂચના આપી છે.
