ન્યૂઝીલેન્ડ જવાના સપના રોળાયા; ભરૂચના યુવક સાથે ₹21 લાખની છેતરપિંડી

વિદેશ જવાની ઘેલછામાં વધુ એક ગુજરાતી યુવક છેતરપિંડીનો ભોગ બન્યો છે. ભરૂચના ઝાડેશ્વરના એક યુવકને ન્યૂઝીલેન્ડમાં નોકરી અપાવવાના બહાને ₹25 લાખ પડાવવામાં આવ્યા, પરંતુ તેને સિંગાપુર એરપોર્ટ પરથી જ પરત મોકલી દેવાતા સમગ્ર કૌભાંડનો પર્દાફાશ થયો છે.

ભરૂચના ઝાડેશ્વર વિસ્તારમાં રહેતા અને દહેજની કંપનીમાં નોકરી કરતા હર્ષ પંડ્યા નામના યુવકે વડોદરાના માંજલપુર પોલીસ સ્ટેશનમાં ચાર શખ્સો વિરુદ્ધ છેતરપિંડીની ફરિયાદ નોંધાવી છે.

📍ઘટનાનો ક્રમ:

• જાહેરાત અને સંપર્ક: જાન્યુઆરી 2024માં હર્ષે ઇન્સ્ટાગ્રામ પર ‘વાઇટ સ્ક્વેર ઇન્ટરનેશનલ’ નામની એજન્સીની ન્યૂઝીલેન્ડ વિઝા માટેની જાહેરાત જોઈ હતી.

• બર્ગર શોપમાં જોબની લાલચ: એજન્ટ શિવાની જોશીએ ન્યૂઝીલેન્ડમાં નિખિલ ઠક્કરની બર્ગર શોપમાં ‘કિચન હેન્ડ’ તરીકેની નોકરી માટે ₹30 લાખનો ખર્ચ જણાવ્યો હતો.
• નાણાંની ચુકવણી: યુવકે વિશ્વાસમાં આવીને ટુકડે-ટુકડે કુલ ₹25 લાખ એજન્ટોને ચૂકવ્યા હતા.
• સિંગાપુરથી વળતો પ્રવાસ: ટિકિટ કન્ફર્મ થતા યુવક સિંગાપુર થઈ ન્યૂઝીલેન્ડ જવા નીકળ્યો, પરંતુ સિંગાપુર એરપોર્ટ પર ઓકલેન્ડ એમ્બેસી દ્વારા વિઝામાં ક્ષતિ જણાતા તેને ત્યાંથી જ ભારત પરત મોકલી દેવામાં આવ્યો હતો.

🧐આરોપીઓની યાદી:

​માંજલપુર પોલીસે જે ચાર લોકો સામે ગુનો નોંધ્યો છે તેમાં નીચે મુજબના નામ સામેલ છે:

1. શિવાની લલિતભાઈ જોશી (એજન્ટ)
2. ​વિનીતકુમાર નીતિનકુમાર શાહ
3. નિખિલ ઠક્કર (રહે. ક્રાઈસ્ટ ચર્ચ, ન્યૂઝીલેન્ડ)
4. ​અંકિત ગોવિંદભાઈ રબારી