અમદાવાદમાં મેગા ડિમોલિશન: કુબેરનગરના કમલ (ઉમલા) તળાવ પરના ૧૫૦ દબાણો તોડી પડાયા
સ્થાનિકોમાં આક્રોશ, વૈકલ્પિક વ્યવસ્થાની માંગ

💥 અમદાવાદ મ્યુનિસિપલ કોર્પોરેશન (AMC) દ્વારા ગેરકાયદેસર દબાણો સામેની કાર્યવાહી યથાવત્ રહી છે. આજે સવારે ઉત્તર ઝોનના એસ્ટેટ વિભાગે કુબેરનગર ITI રોડ પર આવેલા કમલ (ઉમલા) તળાવની જમીન પરના આશરે ૧૫૦ જેટલા ગેરકાયદેસર દબાણો તોડી પાડવા માટે મેગા ડિમોલિશન ડ્રાઇવ શરૂ કરી હતી.

📌મુખ્ય હાઇલાઇટ્સ:

• ડિમોલિશનનું સ્થળ: કુબેરનગર, કમલ તળાવ (ઉમલા તળાવ)

• કાર્યવાહી: કોર્પોરેશનની ટીમે પોલીસ બંદોબસ્ત સાથે ૧૫૦ જેટલા દબાણો પર બુલડોઝર ફેરવ્યું.
• અસર: અનેક પરિવારો બેઘર બન્યા, જેમાં મહિલાઓ, બાળકો અને વૃદ્ધોના દ્રશ્યો જોવા મળ્યા હતા.
• સ્થાનિકોનો રોષ: વર્ષોથી રહેતા લોકોએ ઘર તૂટતાં તંત્ર સામે ભારે રોષ વ્યક્ત કર્યો હતો. અસરગ્રસ્તોએ રહેવા માટે વૈકલ્પિક વ્યવસ્થા કરી આપવાની માંગ કરી છે.
• ચર્ચાનું કેન્દ્ર: તળાવ વિસ્તારનું સૌથી મોટું ગેરકાયદેસર બાંધકામ ગણાતો, કરોડોના ખર્ચે બનેલો વિશાળ બે માળનો બંગલો તોડવામાં આવ્યો.
• મંદિર યથાવત્: સંવેદનશીલતા દાખવતા, કમલા તલાવડી વિસ્તારમાં આવેલું ખોડિયાર માતાનું મંદિર હાલ પૂરતું તોડવામાં આવ્યું નથી અને તેના ડિમોલિશનની કાર્યવાહી મુલતવી રાખવામાં આવી છે.

🫵 સ્થાનિકોના વિરોધ અને હોબાળા વચ્ચે પોલીસે શાંતિપૂર્ણ રીતે ડિમોલિશનની કામગીરી પૂર્ણ કરાવી હતી. અસરગ્રસ્ત પરિવારોની કફોડી હાલત જોતાં, હવે તંત્ર દ્વારા તેમને ક્યારે અને ક્યાં વૈકલ્પિક આવાસની વ્યવસ્થા કરવામાં આવે છે, તેના પર સૌની નજર ટકેલી છે.