WAGHODIA

તલાટી Vs TDO+ સરપંચો : વાઘોડિયાના સરપંચો પહોંચ્યા તાલુકા પંચાયત

Published

4 months ago

March 4, 2022

ત્રણ ગ્રામ પંચાયતના 21 લાખનું ફુલેકું ફેરવનાર તલાટી નું બીજું કૌભાંડ બહાર આવ્યું
વાઘોડિયા તાલુકાના અન્ય તલાટીની મિલીભગત સામે આવે તેવી શક્યતા
તલાટીએ એ TDO વિરુદ્ધ ફરિયાદ કરી તો સરપંચો અને ગ્રામજનો TDO ના સમર્થનમાં આવ્યા

વડોદરા જિલ્લાના વાઘોડિયા તાલુકાના તાલુકા વિકાસ અધિકારી દ્વારા તલાટીનું કૌભાંડ બહાર લાવ્યા બાદ અન્ય ગામોના તલાટીઓ પણ તાલુકા વિકાસ અધિકારીની સામે ફરિયાદ કરવા જિલ્લા પંચાયત કચેરી ખાતે પહોંચ્યા હતા. ત્યારે તાલુકા વિકાસ અધિકારી કાજલ અંબાલીયાના સમર્થનમાં મોટી સંખ્યામાં ગ્રામજનો તેમજ વિવિધ ગામના સરપંચો આજે તાલુકા પંચાયત ઓફિસ ખાતે પહોંચી ગયા હતા અને જો તાલુકા વિકાસ અધિકારી સામે કોઈ પણ કાર્યવાહી થઈ તો વાઘોડિયામાં ઉગ્ર આંદોલનની ચીમકી ઉચ્ચારી હતી.

વાઘોડિયા તાલુકાના ત્રણ ગ્રામપંચાયતો ના બેંક એકાઉન્ટ માંથી લાખોની ઉચાપત કરનાર તલાટી અભિષેક મહેતા સામે તાલુકા વિકાસ અધિકારી એ નાણાકીય ઉચાપત ની ફરિયાદ નોંધાવી હતી. જે બાદ સમગ્ર મામલે વાઘોડિયા ની અન્ય ગ્રામ પંચાયતોમાં પણ તલાટી દ્વારા કૌભાંડ કર્યા હોવાનું સામે આવવાની શક્યતાઓ ને લઈને ગત રોજ તલાટી મંડળે જીલ્લા વિકાસ અધિકારી ને TDO વિરુદ્ધ આવેદનપત્ર આપ્યું હતું.

સમગ્ર મામલે વાઘોડિયા તાલુકામાં ભારેલા અગ્નિ જેવી સ્થિતિ સર્જાઈ છે. તલાટીઓ તાલુકા વિકાસ અધિકારીની વિરુદ્ધ મોરચો માંડીને બેઠા છે ત્યારે વાઘોડિયાના વિવિધ ગામોના ગ્રામજનો અને સરપંચો તાલુકા વિકાસ અધિકારી ની તરફેણમાં આવ્યા હતાં. જો તાલુકા વિકાસ અધિકારી કાજલ અંબાલિયા વિરુદ્ધ કોઈ પણ કાર્યવાહી થઈ તો આંદોલન ની ચીમકી ઉચ્ચારી હતી.

WAGHODIA

આતાપી વન્ડરલેન્ડમાં રાઇડ ઓપરેટર 50 ફૂટ ઉંચાઈથી નીચે પટકાતા મોતને ભેટ્યો

Published

3 months ago

March 21, 2022

factfindernews.com

26 વર્ષીય જીતેન્દ્ર સિંઘનું ઘટના સ્થળે જ મોત
ટેકનિકલ ખામી કે નિષ્કાળજી?, લોક ખુલી જતા નીચે પટકાયો
મૃતકના પરિવારજનો ને સંચાલકો આર્થિક સહાય કરશે

વડોદરાના વાઘોડિયા તાલુકાના આજવા ખાતે આવેલા આતાપી વન્ડરલેન્ડમાં આજે એક કર્મચારી રાઈડ પર થી આશરે 60 ફૂટ નીચે પટકાતા તેનું ઘટનાસ્થળે જ મોત નિપજ્યું હતું.જે અંગે વાઘોડિયા પોલીસે અકસ્માત મોતનો ગુન્હો નોંધી આગળની કાર્યવાહી હાથ ધરી છે.

આતાપી વન્ડરલેન્ડમાં આવેલી ઝીપલાઈન રાઇડના ઓપરેટર તરીકે કામ કરતા 25 વર્ષીય જીતેન્દ્ર સિંઘ 50થી 60 ફૂટ ઉપરથી નીચે પટકાતા તેઓનું મોત થયું હતું. આ ઘટના ત્યારે બની જ્યારે ઝીપલાઇન ક્રોસ કરીને લેન્ડિંગ સાઈટ પર જતા સમયે લોક ખુલી જતા તેઓ નીચે પટકાયા હતા. ઘટના ને લઈને મૃતકના પરિવારજનો ને અતાપી દ્વારા 8 થી 10 લાખનો સહાય કરવાની જાહેરાત કરવામાં આવી છે.

મહત્વની વાત એ છે કે આ હોનારત આતાપી વન્ડરલેન્ડના કર્મચારી સાથે જ બનવા પામી છે. કર્મચારી પોતે ઓપરેટર તરીકે ફરજ બજાવતો હતો. છતાંય હોનારત નો શિકાર બન્યો,જ્યારે વેકેશન સમયે અનેક સહેલાણીઓ અહી મુલાકાતે આવે છે જો આવી બેદરકારી સહેલાણીઓ સાથે બની હોત તો કેટલો મોટો અકસ્માત સર્જાયો હોત?

ઘટના અંગે વાઘોડિયા પોલીસે અકસ્માત મોત નો ગુન્હો નોંધીને આગળની તજવીજ હાથ ધરી છે.