હરિધામ સોખડાના હરિપ્રસાદ સ્વામી દેવલોસ પામ્ય તે જ દિવસથી મંદિરની સુકાન/ગાદી કોને સોંપાશે તેણે લઇને અનેક અટકળો શરૂ થઇ હતી. મંદિરને ગાદીને લઇને બે જૂથો આમને સામેન આવી ગયા હોય તેવી વાતો પણ વહેતી થઇ હતી. પરંતુ મંદિરમાં આવી કોઇ ઘટના બને તે માનવામાં આવી રહ્યું ન્હોતુ. જોકે થોડા દિવસો પૂર્વે જ મંદિરના સંતો દ્વારા સતસંગી અનુજ ચૌહાણને માર મારવાની ઘટના બાદ સમગ્ર વિવાદ લોકોની સમક્ષ આવી ગયો હતો.

મંદિરની ગાદી કોણ સંભાળશે તેને લઇને અનેક વિવાદો સર્જાઇ રહ્યાં છે. તેવામાં મંદિરમાં જૂથવાદ શરૂ થયો છે. તે વાતને પણ નકારી શકાય તેમ નથી. બન્ને જૂથો વચ્ચેનો વિવાદ હવે ચરમ સિમાએ પહોંચ્યો છે. પ્રત્યક્ષ નહી પરંતુ સોશિયલ મીડિયમાં હવે એક યુદ્ધ થતું જોવા મળી રહ્યું છે. જેમાં રોજે રોજ મંદિરના વિવાદને લઇને નવા નવા વળાંકો સામે આવી રહ્યાં છે. સોશિયલ મીડિયા પર આક્ષેપ પ્રતિઆક્ષેપથી લઇને અનેક વિડિઓ, ફોટો અને પી.ડી.એફ ફાઇલો ફરતી થઇ છે.

જે પૈકીનો વધુ એક વિડિઓ હાલ સોશિયલ મીડિયામાં વાયરલ થયો છે. જેમાં ગત તા. 1લી ઓગષ્ટ 2021ના રોજ હરિપ્રસાદ સ્વામીની અંતિમ સંસ્કરની વિધિ કરવામાં આવી હતી. આ સમયે અગ્નિની દિવ્ય જ્યોત સામે સાક્ષી રાખીને સમગ્ર સમાજની સામે દેશ વિદેશના ભક્તોની ઉપસ્થિતિમાં જાહેર કરવામાં આવ્યું હતુ કે, પ્રેમસ્વરૂપ સ્વામી અને પ્રબોધસ્વામી મંદિરના તમામ કાર્યોને લીડ કરશે, જેમાં ત્યાગ સ્વામી, વિઠ્ઠલદાસ ફુવા, અશોકભાઇ સાથે રહેશે અને સાથ આપશે. એમ તમામના હાથ હાથમાં આપવામાં આવ્યા અને સમગ્ર સમાજે સહજતાથી આ સમયે આનો સ્વીકાર પણ કર્યો, આ વાતને સર્મથન આપતો વિડિઓ પણ હાલ વાયરલ થયો છે.
આ વિડિઓમાં જણાવેલા બાબત સ્પષ્ટ છે. છતાંય વિચારવા જેવી બાબત એ છે કે, કોને આ જાહેરાતમાં વિરોધ હતો ? હરિધામનુ તંત્ર બગડે, એનું વાતાવરણ ડોહળાય, હિરધામની પ્રતિષ્ઠા પર લાંછન લાગે એમા કોનો સ્વાર્થ પોસાઇ રહ્યો છે ? કોણ પોતાના કાળા કામોને છુપાવવાનો પ્રયત્ન કરી રહ્યું છે ? કોણા કહેવાથી મંદિરમાં અસામાજીક તત્વોએ ઘેરો કર્યો, અત્યાર સુધી મંદિરમાં જે કંઇ થયું તેના માટે કોણ જવાબદાર છે ?

આ ઉપરાંત વિચારવામાં જેવી બાબત એ પણ છે કે, જે તે સમયે જાહેરમાં કરાયેલી જાહેરાત શું ખોટી હતી ? શું આ ખરેખર મદિરની ગાદીની હક્કદાવાની લડાઇ છે? જાહેરાત કરી સમાજ અને સંસ્થાને ગેરમાર્ગે દોરવામાં આવ્યાં ? જાહેરાત ખોટી હતી તો તેની સામે કાર્યવાહી થવી જોઇ ? કોના કહેવાથી આ પ્રકારની જાહેરાત થઇ ? અને જો આ ગાદીની લડાઇ નથી તો અસ્તિત્વ ટકાવી રાખવાની લડાઇ છે કે કેમ તેવા અનેક સવાલો હરિભક્તોના માનમાં ઉઠી રહ્યાં છે.

હાલ મંદિરમાં ચાલી રહેલો વિવાદ વાંદરા અને બિલાડીની જુની કહેવત જેવો છે, જે આપણે સૌએ સાંભળી હશે, જેમાં બે બિલાડીની લડાઇમાં વાંદરો લાભ ઉઠાવી જાય છે. જેથી કહીં શકાય કે હવે વિવાદનો અંત લાવવા માટે હરિભક્તોએ ખુદ લાભ લેનારને શોધવાની જરૂર છે. જેથી હરિધામ સોખડા મંદિરના વિવાદનો અંત લાવી શકાય.