• CREDAI વડોદરાના ચેરેમન મયંક પટેલે વડોદરાના વિકાસ અંગે ટિપ્પણી કરતા પોસ્ટ મૂકી હતી.
• અસંખ્ય ભાજપના હોદ્દેદારો સાથે સારો ઘરોબો ધરાવનાર મયંક પટેલને રાજેન્દ્ર ત્રિવેદીએ કોંગ્રેસી કહી દીધા,
• સિનિયર ધારાસભ્ય યોગેશ પટેલ સાથે સંકળાયેલા મયંક પટેલને તેઓ ઓળખતા પણ નથી તેવો ડોળ કર્યો

વડોદરાના વિકાસની વાત કરો એટલે તમે કોંગ્રેસી થઈ જાઓ,પછી ને ભલે તમે ભાજપના પ્રધાનમંત્રીની જમણે ઉભા રહીને અડધો ડઝન ભાજપના હોદ્દેદારો સાથે ફોટો પણ પડાવ્યો હોય..

વડોદરાના વિકાસ ની વાત કરવા જઈએ તો અનેક કામો હાલ પેન્ડિંગ છે.TP સ્કીમો ના અમલીકરણમાં થતાં વિલંબ મામલે વડોદરાના CREDAI ના ચેરમેન મયંક પટેલે વડોદરાના વિકાસને શોધી લાવવા માટેની એક પોસ્ટ મૂકી હતી. આ પોસ્ટ બાદ રાજકીય મોરચે ખડભડાત મચી ગયો હતો. આ પોસ્ટ થી બેકફૂટ પર આવેલા ભાજપના નેતાઓએ CREDAI અને તેની સાથે જોડાયેલા બિલ્ડર જૂથની સમસ્યા સાંભળવા ની તૈયારી દર્શાવી હતી. અને પોસ્ટ કર્યાના 24 કલાકમાં મેયરે CREDAI ના સભ્યો સાથે બેઠક પણ યોજી હતી.

શહેરનો વિકાસ રૂંધાયો છે આ પ્રશ્ન ને સ્વીકારવા ને બદલે તેને પડકારવાનું મહેસૂલ મંત્રી રાજેન્દ્ર ત્રિવેદીએ પસંદ કર્યું અને વલસાડમાં હાજર મહેસૂલ મંત્રી રાજેન્દ્ર ત્રિવેદીએ વડોદરાના વિકાસના પ્રશ્ને મયંક પટેલને “નાનો માણસ” ગણાવ્યો.

આટલેથી નહિ અટકીને આજે બજેટ સબંધિત પત્રકાર પરિષદમાં વડોદરાના વિકાસમાં કરવામાં આવેલા પ્રશ્નના CREDAI ના ચેરમેન મયંક પટેલને કોંગ્રેસ સાથે જોડાયેલો વ્યક્તિ ગણાવ્યો,

વડોદરાના વિકાસની વાત કરવી હોય તો પહેલાં નાગરિકે પોતાનું ગોત્ર નક્કી કરવું જોઈએ તેમ મંત્રી રાજેન્દ્ર ત્રિવેદીના નિવેદન થી સામે આવ્યું ,જો તમે વડોદરાના વિકાસનો પ્રશ્ન કરો તો તમે કોંગ્રેસી થઈ જાઓ,ભલે ને પછી તમે નરેન્દ્ર મોદી ના જમણે ઉભા રહીને ફોટો પડાવ્યો હોય, વડોદરાના અસંખ્ય ભાજપના નેતાઓ સાથે મયંક પટેલના ફોટો તેઓની ફેસબુક વોલ ની સજાવટમાં જોવા મળે છે. એટલું જ નહિ પ્રદેશ અધ્યક્ષ સી.આર પાટીલ ની નિમણુંક બાદ તેઓના સન્માન નો કાર્યક્રમ યોજાયો ત્યાં પણ મયંક પટેલ(કોંગ્રેસી) હાજર હતા.. ખૂબ નવાઈની વાત છે કે ભાજપના નેતાઓ પોતાના સગવડ પ્રમાણે કોઈ પણ વ્યક્તિને ભાજપી અને કોંગ્રેસી ઘોષિત કરી શકે છે.