• બુટલેગરની હિંમત કેટલી?, જે પોલીસ મથક વિસ્તારમાં અગાઉ ગોડાઉન પકડતા વોન્ટેડ છે ત્યાં જ બીજું ગોડાઉન શરૂ કર્યું
• ઘેવર બિશનોઈ સહિત ત્રણ માણસોની PCB એ ધરપકડ કરી
• અન્ય પાંચ વોન્ટેડ, 34.80 લાખનો મુદ્દામાલ જપ્ત કર્યો

વડોદરા શહેર પોલીસે બીલ ગામમાં દુકાનો ભાડે રાખી શરાબનો જથ્થો સંગ્રહ કરીને સપ્લાય કરવાનું નેટવર્ક ઝડપી પાડ્યું હતું. જે ગુન્હામાં બિશ્નોઈ ગેન્ગના ચાર આરોપીઓ ની ધરપકડ કરીને 15 લાખના શરાબના જથ્થા સહીત કુલ 34.80 લાખનો મુદ્દામાલ જપ્ત કરવામાં વડોદરા શહેર PCB શાખાને સફળતા મળી હતી.

વડોદરા શહેરના PCB શાખાના સ્ટાફને બાતમી મળી હતી કે માંજલપુર પોલીસ મથકમાં અગાઉ અટલાદરામાં વિજીલન્સ ની રેડ માં મોટા પ્રમાણમાં વિદેશી શરાબ નો સંગ્રહ કરવાના કેસમાં વોન્ટેડ ઘેવર મારવાડીએ ફરી વાર માંજલપુર પોલીસ મથક વિસ્તારમાં આવેલા બીલ ગામમાં પુષ્ટિ એપાર્ટમેન્ટમાં ગ્રાઉન્ડ ફ્લોર પર દુકાન ભાડે રાખીને શરાબનો મોટો જથ્થો સંગ્રહ કરવામાં આવ્યો છે. જે બાતમીના આધારે પોલીસે ટીમ બનાવીને દરોડો પાડતા સ્થળ પર ગોડાઉનમાં મોટી સંખ્યામાં વિદેશી શરાબની પેટીઓ મળી આવી હતી. આ શરાબનો જથ્થો સપલાય કરવા ગોડાઉન પાસેથી બે ટેમ્પો પણ મળી આવ્યા હતા.

પોલીસેને બાતમી મળી હતી કે ઘેવર બિશ્નોઈ પોતાના રહેવા માટે આજવા રોડ પંચમ બ્લોસમ ફ્લેટમાં મકાન ભાડે રાખેલ છે. સાથે પોતાના માણસોના રહેવા માટે ગોત્રી- સેવાસી રોડ પર ઓશિયા મોલની પાછળ સોસાયટીમાં માણસોના રહેવા માટે મકાન ભાડે રાખેલું છે. આ બંને સ્થળે પોલીસે દરોડો પાડતા ઘેવર બિશ્નોઈ અને તેના ત્રણ માણસોની PCB એ ધરપકડ કરી હતી.

પોલીસે સ્થળ પરથી વિવિધ બ્રાન્ડની આશરે 3100 નંગ વિદેશી શરાબની બોટલો, બે ટાટા ટેમ્પો, હ્યુન્ડાઈ આઈ 20 કાર, એક એકટીવા, એક મોટર સાયકલ,11 મોબાઈલ ફોન, બે વાઈફાઈ ડોન્ગલ,10 જેટલા સીમકાર્ડ,બોગસ આધાર કાર્ડ, રોકડ 3900 અને ભાડા કરારની નકલ મળીને કુલ 34.80 લાખનો મુદ્દામાલ કબજે લીધો હતો. જયારે ઘેવર બિશ્નોઈ ગેંગના પુનમારામ દેવાશી, રામુ બિશ્નોઈ,રાજુરામ બિશ્નોઈ,નીલેશ ઉર્ફે નીલું સિંધી, તેમજ નરેશ નામના શખ્સને વોન્ટેડ જાહેર કર્યો છે.