સબસાલામત હે ના બણગાં ફુકતી નંદેસરી અદ્યોગિક વસાહત માં આવેલી રાધિકા એગ્રો કેમિકલ ઇન્ડિયા પ્રાઇવેટ લિમિટેડ કંપની માં વધુ એક કામદાર દાઝી જતા તેને ખાનગી હોસ્પિટલ માં સારવાર અર્થે ખસેડાયો છે.

પ્રાપ્ત વિગતો અનુસાર ગતરોજ સાંજે નંદેસરી અદ્યોગિક વસાહત માં આવેલ રાધિકા એગ્રો કેમિકલ ઇન્ડિયા પ્રાઇવેટ લિમિટેડ કંપની માં કામ કરતો કામદાર વિવેક કુમાર રાજારામ પાંડે ડીસ્ટીલેશન વાલ બંધ કરવા ગયો હતો તે દરમિયાન અચાનક પડી જતા તે ગંભીર રીતે દઝાયો હતો.કંપની સત્તાધીશો એ દઝાયેલાં કર્મચારી ને સારવાર અર્થે ખાનગી દવાખાને ખસેડયો હતો.સમગ્ર ઘટના અંગે નંદેસરી પોલિસ ને જાણ થતાં નંદેસરી પોલિસે ઘટના સ્થળે પહોંચી કાર્યવાહી હાથ ધરી છે.

નંદેસરી અદ્યોગિક વસાહત માં સેંકડો કેમિકલ કંપની આવેલી છે અને અદ્યોગિક વસાહત માં અવાર નવાર સેફટી ના અભાવે કામદારો દાઝી જવા ના બનાવો બનતા રહે છે તેવામાં સબ સલામત હે ની ગુલબાંગો ફુકતી કંપનીઓ કામદાર ને સેફટી આપવા માં હંમેશા નિષ્ફળ નીવડી છે.રાધિકા એગ્રો કેમિકલ ઇન્ડિયા પ્રાઇવેટ લિમિટેડ કંપની માં પણ સેફટી ના અભાવે વધુ એક કામદાર દાઝી જતા કંપની વિરુદ્ધ કાયદેસર ની કાર્યવાહી કરવા ની માંગ ગ્રામજનો કરી રહ્યા છે.