Connect with us

SAVLI-DESAR

ગુજરાતનો પહેલો કિસ્સો : વેનિટીવેનમાં લવાતો વિદેશી શરાબનો જથ્થો પોલીસે પકડી પાડ્યો

Published

on

  • સેલિબ્રિટી વાપરતા હોય તેવી વેનિટીવેનમાં બુટલેગરોએ ચોરખાનું બનાવ્યું
  • પોલીસે ચોક્કસ બાતમીના આધારે વેનિટીવેન ઝડપી પાડી
  • 235 પેટી વિદેશી શરાબ ઝડપાયો,સેલિબ્રિટીની આડમાં શરાબની હેરાફેરીનો કીમિયો નિષ્ફળ
  • 15 લાખની કિંમતનો વિદેશી શરાબ અને 35 લાખની વેનિટીવેન સહિત 50 લાખ ઉપરાંતનો મુદ્દામાલ કબ્જે લીધો

વડોદરા જીલ્લામાં વિદેશી શરાબની હેરાફેરી માટે અવનવી તરકીબો અજમાવવામાં આવે છે જ્યાં આજે સેલિબ્રિટી જે લગઝરીયશ વેનિટી વેન વાપરે છે તેવી વેનિટીવેન માં વિદેશી શરાબની હેરાફેરી ઝડપાઇ છે. સાવલી પોલીસે બાતમીના આધારે વેનિટી વેનના ચોર ખાના માંથી 235 પેટી વિદેશી શરાબ સાથે બે ઇસમોની ધરપકડ કરી છે.

સાવલી પોલીસને બાતમી મળી હતી કે રાજસ્થાન પાસિંગની એક વેનિટીવેન વડોદરા જીલ્લામાં પ્રવેશનાર છે જેમાં મોટા પ્રમાણમાં શરાબનો જથ્થો લાવવામાં આવી રહ્યો છે. જે બાતમીના આધારે સાવલી પોલીસે ખાખરીયા ચેકપોસ્ટ પાસે વોચ ગોઠવી બાતમી વાળી વેનિટીવેન ઝડપી પાડી હતી.

વેનિટીવેન માં બે ઈસમો મળી આવ્યા હતાં.જ્યાં અંદર તપાસતા કંઇજ જણાઈ આવ્યું ન હતું. જોકે પોલીસે વેનિટી વેનની બનાવટ જોતા તેમાં ચોરખાનું મળી આવ્યું હતું. ચોરખાનું ખોલતા જ અંદર વિવિધ બ્રાન્ડની વિદેશી શરાબની પેટીઓ મળી આવી હતી. જ્યારે આ લખાય છે ત્યાં સુધી લગભગ 235 પેટી વિદેશી શરાબ મળી આવ્યો છે.જ્યારે 35 લાખની વેનિટીવેન સહિત 50 લાખનો મુદ્દામાલ કબ્જે લેવાયો છે.

વેનિટીવેનમાં શરાબ લાવવામાં આવતો હોવાનો આ ગુજરાતનો પહેલો કિસ્સો છે. સેલિબ્રિટીની વેનિટીવેન હોય તેમ આસાનીથી કોઈ પણ સ્થળે આ મોડિફાઇડ બસ અવરજવર કરી શકે છે. સામાન્ય રીતે શૂટિંગ અને ઇવેન્ટમાં વાપરવામાં આવતી વેનિટીવેનને પોલીસ પણ ચેક કરતી નથી. સેલિબ્રિટી અંદર હોય પોલીસ આવા વાહનોનું ચેકીંગ ટાળે છે. જે ગણતરીથી બુટલેગરોએ વેનિટીવેનને શરાબના હેરાફેરીનું સાધન બનાવી દીધું હોવાનો કિસ્સો પ્રકાશમાં આવતા હોવી સેલિબ્રિટીની વેનિટીવેન પણ શંકાના ઘેરામાં આવી ગઈ છે.

Advertisement
Advertisement
Click to comment

Leave a Reply

Your email address will not be published. Required fields are marked *

SAVLI-DESAR

સાવલી: જુના સમલાયાના ગ્રામજનોએ ચૂંટણીનો બહિષ્કાર કરવાનો નિર્ણય લીધો

Published

on

  • પ્રાથમિક સુવિધાના અભાવે ગ્રામજનોએ ચૂંટણી બહિષ્કારનો નિર્ણય કર્યો
  • ઔદ્યોગિક એકમોથી ઘેરાયેલા જુના સમલાયા ગામમાં રોડ,પાણી સહિતની પ્રાથમિક સુવિધાઓનો અભાવ
  • વારંવારની રજૂઆતો છતાંય કોઈ વિકાસ નહીં,ગામ સાથે ઓરમાયું વર્તન કેમ?

વડોદરા જીલ્લાના સાવલી તાલુકાના ઔદ્યોગિક એકમો વચ્ચે ઘેરાયેલું જુના સમલાયા ગામ આજે પણ વિકાસ ઝંખી રહ્યું છે. જુના સમલાયા ગામના કેટલાક રહીશોએ ભેગા મળીને ચૂંટણીનો બહિષ્કાર કરવાનો નિર્ણય લીધો છે. જેમાં પાકા રસ્તા અને પાણીની સમસ્યાઓનો નિકાલ નહીં આવતા બહિષ્કારનું પગલું ઉઠાવવું પડ્યું હોવાનું ગ્રામજનો જણાવી રહ્યા છે.

વડોદરા જીલ્લાના સાવલી તાલુકાના જુના સમલાયા ગામના રહીશોએ ગત રોજ એકઠા થઈને આવનારી વિધાનસભાની ચૂંટણીના બહિષ્કારની જાહેરાત કરી છે. જુના સમલાયા જૂથ ગ્રામ પંચાયતના કેટલાક પેટા પરા વિસ્તારમાં આજે પણ ગામમાં પ્રવેશવા માટે પાકા રસ્તાઓ નથી. અહીં વાત ફક્ત ધારાસભ્યની નિષ્કાળજીની નથી. જીલ્લા પંચાયતમાં અને તાલુકા પંચાયતમાં ચૂંટાયેલા સભ્યોએ પણ આ વિસ્તારના વિકાસની ચિંતા કરી નથી. અહીં ગામમાં વરસાદના સમયે અવરજવરનો રસ્તો પણ મળતો નથી. જેના કારણે ગ્રામજનોને ભારે હાલાકીનો સામનો કરવો પડે છે.

પક્ષાપક્ષી થી દુર અહીં ગ્રામજનોએ પ્રાથમિક સુવિધાની માંગણી કરી છે. જીલ્લા પંચાયત કે તાલુકા પંચાયતના ચૂંટાયેલા સભ્યો પણ અહીં ગામની સામસ્યા સાંભળવા આવતા નથી. 21મી સદીની વિકાસની વાતોમાં હજી જુના સમલાયા ગામ પાછળ રહી ગયું હોય તેમ ગ્રામજનોને લાગી રહ્યું છે ત્યારે આજે ગ્રામજનોએ ચૂંટણીના બહિષ્કારની જાહેરાત કરતા રાજકીય મોરચે ખળભળાટ મચી ગયો છે .

Advertisement
Continue Reading
Advertisement

Trending