Connect with us

SAVLI-DESAR

મંજુસર NBC કંપનીના છૂટા કરેલા કર્મચારીઓએ ધારાસભ્યના ઘરે પ્રતિક ધરણાં કર્યા

Published

on

વડોદરાના સાવલી તાલુકાના મંજુસર જીઆઈડીસીમાં આવેલ નેશનલ બિલ્ડિંગ કંપનીના (NBC) 480 કર્મચારીઓને રાતોરાત છૂટા કરી દેવામાં આવતા બેરોજગાર બનેલા કર્મચારીઓએ આજે સાવલીના ભાજપાના ધારાસભ્યના નિવાસ સ્થાન બહાર ભૂખ હડતાળ શરૂ કરી છે. કર્મચારીઓએ જણાવ્યું હતું કે અમોને નોકરીમાં પરત લેવામાં નહીં આવે ત્યાં સુધી અમે ધારાસભ્યના ઘર આગણે ભૂખ હડતાળ ચાલુ રાખીશું.

સાવલી તાલુકાના મંજુસર જીઆઈડીસીમાં આવેલ નેશનલ બેરિંગ કંપનીમાં કોન્ટ્રાક્ટમાં છેલ્લા છ વર્ષથી નોકરી કરનાર 480 જેટલા કર્મચારીઓને કંપનીના સંચાલકો દ્વારા કંપની બંધ કરી દેવામાં આવનાર હોવાનું બહાનું બતાવી તારીખ 17. 9. 2020 ના રોજ રાતોરાત છૂટા કરી દેવામાં આવ્યા હતા. અને નવો કોન્ટ્રાક્ટ કંપનીનામાં લાગુ કરીને કંપની ચાલુ કરી દેવામાં આવી હતી.
કંપનીના કર્મચારીઓએ જણાવ્યું હતું કે, કંપનીના કન્ટીનમા સારું ફૂડ આપવામાં આવતું ન હોવાથી કંપનીના છ જેટલા કર્મચારીઓ દ્વારા મેનેજમેન્ટને રજુઆત કરવામાં આવી હતી. દરમિયાન, કંપની દ્વારા કેન્ટીન અંગે રજુઆત કરનાર છ કર્મચારીઓને છૂટા કરી દીધા હતાં. તે બાદ અમો કંપની અમોને પણ ક્યારેક કાઢી મૂકશે તેવા ડરથી અમોએ અમદાવાદના કેમિકલ મજદૂર યુનિયનમાં જોડાયા હતા. જે અંગેની જાણ કંપનીને થતાં, અમો 480 કર્મચારીઓને કંપની બંધ કરવાના બહાના હેઠળ તા. 17.9.2020 ના રોજ રાતોરાત છૂટા કરી દેવામાં આવ્યા હતા. અને કંપનીએ બીજો કોન્ટ્રાક્ટ આપી નવી ભરતી કરી કંપની ચાલુ રાખી છે.

Advertisement

કર્મચારીઓએ જણાવ્યું હતું કે, દોઢ વર્ષ પૂર્વે છૂટા કરાયા બાદ જે તે સમયે આદોલન પણ કરવામાં આવ્યું હતું. અમારી સાથે અનેક સંગઠનો પણ મદદે આવ્યા હતા. પરંતુ, અમારો પ્રશ્ન હલ થયો ન હતો. સંગઠનો એક બે વખત સાથે રહેતા હતા. ત્યારબાદ તેઓ અમારો સાથ છોડી દેતા હતા. અમને લાગે છે કે સંગઠનોને કંપની સત્તાધીશો પૈસાના જોરે ખરીદી લેતા હતા. આથી સંગઠનો અમારાથી દૂર થઇ જતાં હતા.
તેમણે જણાવ્યું કે, હવે અમારી એક આશા સાવલીના ભાજપાના ધારાસભ્ય કેતન ઇનામદાર પાસે છે. આથી અમો 480 કર્મચારીઓ સવારે 7 વાગ્યાથી તેમના કેતન ફાર્મ ખાતેના નિવાસસ્થાનની બહાર ભૂખ હડતાળ શરૂ કરી છે. આમો તમામ કર્મચારીઓને નોકરી ઉપર પરત લેવામાં આવે તેવી અમારી માંગ છે. જ્યાં સુધી અમોને નોકરી ઉપર પરત લેવામાં નહીં આવે ત્યાં સુધી ભૂખ હડતાળ ચાલુ રાખીશું.

મહેન્દ્રભાઇ સહિત કર્મચારીઓએ જણાવ્યું હતું કે, દોઢ વર્ષથી નોકરી ન હોવાના કારણે અમારી અને પરિવારની હાલત કફોડી બની ગઇ છે. કમરતોડ મોઘવારીમા ઘરનું ગુજરાન ચલાવવું મુશ્કેલ થઇ ગયું છે. જો વહેલી તકે અમોને ન્યાય નહીં મળે તો અમારે આપઘાત કરવાનો વખત આવશે.

Advertisement


મળેલી માહિતી પ્રમાણે ભૂખ હડતાળ ઉપર બેસેલા કર્મચારીઓને ધારાસભ્ય કેતન ઇનામદાર મળ્યાં હતાં. અને જણાવ્યું હતું કે, આગામી રવિવારે કંપનીના મેનેજમેન્ટને બોલાવી ચર્ચા કરી, યોગ્ય માર્ગ કાઢવા માટે હૈયા ધારણ આપી હતી. અને કર્મચારીઓને ઘરે જવા માટે જણાવ્યું હતું. જોકે, કર્મચારીઓને ધારાસભ્યની વાત ઉપર વિશ્વાસ રહ્યો નથી. આથી કર્મચારીઓએ જ્યાં સુધી પ્રશ્ન હલ નહીં થાય ત્યાં સુધી ધારાસભ્યના ઘર આગણે ભૂખ હડતાળ ચાલુ રાખવાનો નિર્ણય લીધો છે. કર્મચારીઓએ જણાવ્યું હતું કે, ઘરે ભૂખે મરવા કરતાં અમો ધારાસભ્યના ઘર આગણે ભૂખે મરી જવાનું વધુ પસંદ કરીશું.

કર્મચારીઓના પ્રશ્ન અંગે ધારાસભ્ય કેતન ઇનામદારની પ્રતિક્રિયા માટે ટેલિફોન ઉપર સંપર્ક સાધ્યો હતો. પરંતુ, કોઇક કારણસર તેઓએ ફોન રિસીવ કર્યો ન હતો.

Advertisement
Advertisement
Click to comment

Leave a Reply

Your email address will not be published.

SAVLI-DESAR

SMC એ ફરી જીલ્લા પોલીસની નાક કાપ્યું: કલ્યાણપુરાની દેશી શરાબની ફેકટરી પરથી 10 હજાર લિટર કાચો માલ મળ્યો

Published

on

  • જીલ્લા પોલીસ વડાની સ્પષ્ટ સૂચના છતાંય આટલી મોટી શરાબની ફેકટરી કોના આશીર્વાદ થી ધમધમતી હતી?
  • SMC એ દરોડા પાડ્યા ત્યાં સુધી સ્થાનિક પોલીસ ઉંઘતી હતી?
  • 10હજાર લિટર કાચો માલ મળ્યો હોય તેવો વડોદરા જીલ્લાનો લગભગ પ્રથમ બનાવ
  • અડધા વડોદરા શહેરમાં કલ્યાણપુરાથી દેશી શરાબ સપ્લાય થતી હોવાનું અનુમાન

વડોદરા જિલ્લામાં વિદેશી અને દેશી શરાબની હાટડીઓ ખુલ્લેઆમ ધમધમી રહી છે જેનો પુરાવો સ્ટેટ મોનીટરીંગ સેલ દ્વારા વડોદરાની સૌથી મોટી દેશી શરાબ ની ફેક્ટરી પર દરોડો પાડીને આપ્યો છે વડોદરા જિલ્લાના સાવલી તાલુકામાં આવેલા કલ્યાણપુરા ગામે લગભગ દસ હજાર લિટર જેટલો દેશી શરાબ નો કાચો માલ સ્ટેટ મોનીટરીંગ સેલ દ્વારા જપ્ત કરવામાં આવ્યો છે જ્યારે 350 લીટર દેશી શરાબ પણ સ્થળ પરથી કબજે લેવામાં આવ્યો છે.

એપ્રિલ માસમાં રાજ્યમાં આઈપીએસ અધિકારીઓની થયેલી બદલી બાદ ગુનાખોરી ડામવા માટે સ્ટેટ મોનિટરિંગ સેલમાં નિર્લિપ્ત રાય દ્વારા ટોલ ફ્રી નંબર સાર્વજનિક કરવામાં આવ્યો હતો જે બાદ રાજ્યના વિવિધ જિલ્લાઓમાં ચાલી રહેલા ગુનાખોરીના અડ્ડાઓ અંગે જાગૃત નાગરિકોએ સ્ટેટ મોનિટરિંગ સેલમાં સીધી માહિતી આપવાની શરૂઆત કરી હતી જ્યારે વડોદરા જિલ્લામાં જિલ્લા પોલીસ વડાની નિયુક્તિ થતાની સાથે જ તમામ ગુનાખોરી તેમજ દેશી વિદેશી શરાબના અડ્ડાઓ બંધ કરવાના ફરમાન આપી દેવામાં આવ્યા હતા. રોજ-બ-રોજ જિલ્લામાં 20થી વધુ દેશી શરાબ ના ભઠ્ઠા ઉપર પોલીસ દ્વારા દરોડો પાડવામાં આવતો હતો.

તેમ છતાંય કેટલાક વિસ્તારોમાં દેશી શરાબ ની ફેક્ટરી ખુલ્લેઆમ ધમધમી રહી હતી વડોદરા જિલ્લાના સાવલી તાલુકામાં આવેલા કલ્યાણપુરા ગામે વર્ષોથી દેશી શરાબની ફેક્ટરીઓ ધમધમે છે કહેવાય છે કે અડધા વડોદરાને દેશી શરાબ નો સપ્લાય કલ્યાણપુરા થી પૂરો પાડવામાં આવે છે વહેલી સવારે શહેરમાં ઘરના નળમાં પાણી આવે કે ના આવે શહેરી વિસ્તારમાં વાહનો પરદેશી શરાબની દુધિયો લાદીને ખેપિયાઓ શહેરમાં પ્રવેશે છે અને શહેરમાં ધમધમતા દેશી શરાબ ના અડ્ડાઓને શરાબની સપ્લાય કરે છે.

Advertisement

સ્થાનિક પોલીસના વારંવાર પ્રયત્નો છતાં કલ્યાણપુરા ધમધમતા દેશી શરાબ ના અડ્ડાઓ બંધ થતા ન હતા જ્યારે ગતરાત્રે સ્ટેટ મોનીટરીંગ સેલ દ્વારા સુયોજિત પદ્ધતિથી દરોડો પાડવામાં આવતા મોટી સંખ્યામાં દેશી શરાબનો જથ્થો ઝડપી પાડવામાં આવ્યો હતો કલ્યાણપુરા ગામની સીમમાં વિશ્વામિત્રી ની કોતરોમાં દેશી શરાબના ભઠ્ઠાઓ ધમધમતા હતા.

સ્ટેટ મોનીટરીંગ સેલ દ્વારા સ્થળ પરથી 340 લીટર દેશી શરાબનો જથ્થો તેમજ દેશી શરાબ બનાવવા માટેનો વોશ (કાચો માલ) દસ હજાર લીટર સ્થળ પરથી મળી આવ્યો હતો.

આટલો મોટો દેશી શરાબ બનાવવા નો કાચો માલ એક જ સ્થળેથી પકડાયો હોય તેવો લગભગ વડોદરા જીલ્લાનો આ પ્રથમ બનાવ છે. પોલીસે સ્થળ પરથી કલ્યાણપુરા ના રહેવાસી હસમુખ રતિલાલ ઠાકોરની ધરપકડ કરી હતી.જ્યારે ઉદેસિંહ ઠાકોર, દિલીપસિંહ ઉર્ફે દલપત ઠાકોર તેમજ સુનિલ ઠાકોરને વોન્ટેડ જાહેર કર્યા છે.

Advertisement

સ્ટેટ મોનીટરીંગ સેલ ની આ કાર્યવાહીથી વડોદરા જિલ્લામાં હડકંપ મચી ગયો છે. એક તરફ જિલ્લા પોલીસ વડાની સ્પષ્ટ સૂચના હોવા છતાં આટલો મોટો શરાબનો અડ્ડો કેવી રીતે ધમધમતો હતો તે પ્રશ્ન ઊભો થાય છે. સાવલી પોલીસ મથકના કેટલાક પોલીસ જવાનોની મીલીભગત સિવાય આટલો મોટો શરાબનો અડ્ડો ધમધમે તે માનવામાં આવતું નથી જ્યારે આવી મોટી ગંભીર બેદરકારી સામે જિલ્લા પોલીસ વડા શું કાર્યવાહી કરે છે એ જોવું રહ્યું.

Advertisement
Continue Reading

Trending