Connect with us

NRG

એટલાન્ટાની ગોકુલધામ હવેલીમાં શ્રીવલ્લભાખ્યાન યોજાયું

Published

on

  • ગોવિંદનો સાથ હશે તો કોવિડ જેવી મહામારીનો સામનો કરી શકીશું : પૂ.આશ્રયકુમારજી
  • શ્રી વલ્લભાચાર્ય શ્રીમહાપ્રભુજીના પ્રાગટ્યોત્સવ પર્વે શોભાયાત્રા અને નંદ મહોત્સવના મનોરથ યોજાયા
  • ગોકુલધામ પરિસરમાં પાલખી સાથે નીકળેલી શોભાયાત્રામાં શ્રદ્ધાળુઓ જોડાયાં

અમેરિકાના એટલાન્ટા સિટીમાં આવેલી ગોકુલધામ હવેલીમાં શ્રીમદ્ વલ્લભાચાર્ય મહાપ્રભુજીના પ્રાગટ્યોત્સવ પર્વની ઉજવણી અંતર્ગત શ્રી વલ્લભાખ્યાનનું આયોજન કરાયું હતું. ત્રણ દિવસીય શ્રી વલ્લભાખ્યાનમાં યુવા વૈષ્ણવાચાર્ય પૂ.આશ્રયકુમારજી મહોદયે સમજાવ્યું હતું કે, ભગવદ્ નામ સ્મરણ થકી ગોિવંદ(શ્રીકૃષ્ણ)નો સાથ હશે તો કોવિડ જેવી ગમે તેટલી મહામારી આવશે તો તેનો સામનો આપણે કરી શકીશું.
એટલાન્ટાની ગોકુલધામ હવેલીમાં વડોદરાના કલ્યાણરાયજી મંદિરના ષષ્ઠ પીઠાધિશ્વર પૂ.દ્વારકેશલાલજી મહારાજના માર્ગદર્શન હેઠળ આ વર્ષે જગદગુરુ શ્રી મહાપ્રભુજીના પ્રાગટ્ય પર્વની ઉજવણી અનોખી રીતે કરાઇ હતી. જે અંતર્ગત પુષ્ટિ ધર્મની પ્રચાર-પ્રસાર યાત્રા હેઠળ ગોકુલધામ આવેલા યુવા વૈષ્ણવાચાર્ય પૂ.આશ્રયકુમારજી મહોદયના ત્રણ દિવસીય શ્રી વલ્લભાખ્યાનનું આયોજન કરાયું હતું.


વલ્લભાખ્યાનમાં પૂ.આશ્રયકુમારજીએ સમજાવ્યું હતું કે, શ્રીમદ્ વલ્લભાચાર્યે પુષ્ટિ માર્ગની સ્થાપના કરવા ઉપરાંત શ્રી વલ્લભ બ્રહ્મ સાથે આપણો સંબંધ કરાવે છે. પુષ્ટિ ભક્તિની પરંપરામાં આપણને લીન કરી પ્રભુની નજીક લઇ જાય છે. શ્રી વલ્લભાચાર્યે ઘેરઘેર પ્રભુને બિરાજમાન કરી પુરુષની સાથે સ્ત્રીને પણ પ્રભુ સેવાનો લાભ આપ્યો છે. જાતિ-ભેદ કે ઊંચ-નીચનો ભેદ કર્યા વિના સૌનો સ્વીકાર કર્યો છે. પ્રભુ ભક્તિના માર્ગે કશું છોડીને નહીં કે કશું તોડીને નહીં પણ પ્રભુ તરફ પોતાની જાતને સમર્પિત કરી જઇ શકાય તેવો બોધ આપ્યો છે.


વલ્લભાખ્યાનની પૂર્ણાહુતિ શનિવારે શ્રી મહાપ્રભુજીના પ્રાગટ્ય પર્વની ઉજવણી હેઠળ શોભાયાત્રા અને નંદ મહોત્સવના મનોરથ સાથે થઇ હતી. શ્રી મહાપ્રભુજીના પ્રાગટ્યોત્સવના મુખ્ય મનોરથી તરીકે સ્વ.વિપિનભાઇ અને મનોરમાબહેન મજમુદાર અને સહ-મનોરથી તરીકે કિન્તુ અને રોશની શાહ તેમજ બેલા અને બિરેન શાહે લ્હાવો લીધો હતો.

પાલખીમાં શ્રીવલ્લભાચાર્યજીની પ્રતિમાને બિરાજમાન કરી ગોકુલધામ પરિસરમાં શોભાયાત્રા નીકળી હતી. ભજન-કિર્તનના ગાન સાથે નીકળેલી શોભાયાત્રામાં ગોકુલધામના ચેરમેન અશોક પટેલ, એક્ઝિક્યુટિવ સેક્રેટરી તેજસ પટવા, ટીમ મેમ્બર્સ હેતલ શાહ, અલકેશ શાહ, ગિરીશ શાહ, પરિમલ પટેલ ઉપરાંત મોટી સંખ્યામાં વૈષ્ણવ શ્રદ્ધાળુઓ જોડાયા હતા. મનુભાઇ પટેલ, રંજનબહેન શિરોયા, અશ્વિન પટેલ અને કિરીટ શાહ સહિત વિવિધ સ્વયંસેવકોએ મહાપ્રસાદની સેવા માટે જહેમત ઊઠાવી હતી.

Advertisement
Advertisement
Click to comment

Leave a Reply

Your email address will not be published. Required fields are marked *

NRG

IPS સ્વ. કેસરીસિંહ ભાટીના પુત્રએ ન્યુયોર્કમાં પોલીસ ઓફિસર બની ગુજરાતનું નામ વિશ્વ ફલક પર રોશન કર્યું

Published

on

  • ધો.12 સુધી સુરત,બરોડા અને અમદાવાદમાં અભ્યાસ પૂર્ણ કરી અમેરિકામાં કોલેજ બાદ સીવીલ સર્વિસીસની પરીક્ષા પાસ કરી સિદ્ધિ મેળવી
  • ગત માસમાં જ રાજ્યના મુખ્યમંત્રીશ્રી ભુપેન્દ્રભાઈ પટેલે સ્વ.ભાટીની વિશિષ્ઠ સેવા બદલ તેમની પત્નીને ચંદ્રક એનાયત કર્યો

પિતાએ આઇપીએસ ઓફિસર તરીકે ગુજરાત પોલીસ ખાતામાં પ્રશંસનીય ફરજ બજાવી હતી. જે બદલ મરણોત્તર ચંદ્રક રાજ્યના મુખ્યમંત્રીશ્રીના હસ્તે ગત મહિને એનાયત કરાયો હતો ત્યારે તેમના પુત્રએ સ્વર્ગસ્થ પિતાનું સપનું સાકાર કર્યું હોય એમ વિશ્વની સૌથી મોટી અને ચુનંદા પોલીસ ફોર્સ તરીકે ગણાતી અમેરિકાના ન્યૂયોર્કમાં પોલીસ ઓફિસર તરીકે પોસ્ટિંગ મેળવી સમગ્ર વિશ્વમાં માત્ર અમદાવાદ નહીં પણ ગુજરાતનું નામ ઝળહળતું કર્યું છે.


ગુજરાત પોલીસમાં વરિષ્ઠ અધિકારી તરીકે સેવા આપી ફરજ દરમિયાન અવસાન પામેલા તત્કાલીન અમદાવાદ રેન્જ આઈજી કેસરીસિંહ ભાટી (IPS)ના પુત્ર જયદેવસિંહ ભાટીની અમેરિકાના ન્યુયોર્ક પોલીસ ડિપાર્ટમેન્ટમાં પોલીસ ઓફિસર તરીકે તાજેતરમાં નિયુક્તિ થઈ છે.


ભારતમાં પીએસઆઇની સમકક્ષ ગણાતા આ પદ ઉપર જયદેવસિંહ ભાટી શરૂઆતના 6 માસ દરમિયાન ન્યુયોર્ક શહેરના 4 પોલીસ મથકોમાં તેમના ઉપરી અધિકારી સાર્જન્ટ અને લ્યુટેન્ટના હાથ નીચે તાલીમી અધિકારી તરીકેનો અનુભવ લેશે. ત્યારબાદ તેમને વિશ્વના સૌથી મોટા ગણાતા ન્યૂયોર્ક પોલીસ ડિપાર્ટમેન્ટમાં પોસ્ટિંગ કરાશે. 26 વર્ષના જયદેવસિંહએ અમેરિકામાં ક્રિમિનલ જસ્ટિસમાં એસોસિયેટ ડીગ્રી હાંસલ કર્યા બાદ સીવીલ સર્વિસીસની પરીક્ષા આપી હતી.

Advertisement

જેમાં સફળતાપૂર્વક ઉર્તીણ થયા બાદ તેમને પીએસઆઇની સમકક્ષ પોલીસ ઓફિસર તરીકે ન્યુયોર્ક શહેરમાં નિમણૂક મળી છે.
જયદેવસિંહના પિતા 1996 થી 1999 સુધી વલસાડમાં વિભાગીય પોલીસ વડા હતા ત્યારબાદ સુરત જિલ્લા પોલીસ વડા તરીકે કાયદો વ્યવસ્થા સાંભળી હતી. બાદમાં અમદાવાદ રેન્જ આઈજી તરીકે બઢતી થઈ હતી. ચાલુ ફરજ દરમિયાન તેમનું દુઃખદ અવસાન થયું હતું.ગત માસમાં ગાંધીનગર ખાતે મુખ્યમંત્રીશ્રી ભુપેન્દ્રભાઈ પટેલના હસ્તે રાજ્યની વિશિષ્ઠ પોલીસ સેવા માટેનો ચંદ્રક એનાયત કરાયો હતો જેને સ્વ. કેસરીસિંહ ભાટીની ધર્મપત્ની નિપાબા ભાટીએ સ્વીકાર્યો હતો.
અત્રે ઉલ્લેખનીય છે કે, જયદેવસિંહે ધો.12 સુધીનો અભ્યાસ અમદાવાદની સત્વ વિકાસ સ્કૂલમાં કર્યો હતો. પિતાની પોલીસ ખાતામાં ટ્રાન્સફરેબલ જોબ હોવાથી તે પહેલાનો અભ્યાસ સુરત અને બરોડામાં પૂર્ણ કર્યો હતો. ત્યારબાદ કોલેજ ન્યુયોર્કમાં કરી આ ગૌરવવંતી સિદ્ધિ મેળવી ગુજરાતના સમસ્ત રાજપૂત સમાજનું પણ ગૌરવ વધાર્યું છે.

Advertisement
Continue Reading
Advertisement

Trending