Connect with us

NRG

USAના જ્યોર્જિયામાં ટીચર્સ એઝ લિડર્સ (TAL) પ્રોગ્રામમાં મૂળ વડોદરાના NRI-ગુજરાતી શિક્ષિકા રોશની શાહની પસંદગી

Published

on

  • 16 વર્ષથી શિક્ષણ ક્ષેત્રે કાર્યરત રોશની શાહે અમેરિકન પ્રેસિડેન્ટના એવોર્ડ સહિત અનેક એવોર્ડ મેળવ્યા
  • મૂળ વડોદરાના રોશની કિન્તુ શાહ ગ્વિનેટ કાઉન્ટીની સમરઅવર સ્કૂલમાં મેથ્સની શિક્ષિકા.

દિવ્યકાંત ભટ્ટ. એટલાન્ટા-અમેરિકા । અમેરિકાના જ્યોર્જિયા સ્ટેટની ગ્વિનેટ કાઉન્ટીમાં શિક્ષકો માટેનો ટીચર્સ એઝ લિડર્સ (TAL) પ્રોગ્રામ કાર્યરત છે. શિક્ષકો માટે પ્રતિષ્ઠિત ગણાતા આ પ્રોગ્રામમાં એનઆરઆઇ-ગુજરાતી શિક્ષિકા રોશની શાહે અનેક કઠિન પડાવો પાર કરી સ્થાન મેળવી ભારતનું ગૌરવ વધાર્યું છે. 16 વર્ષથી જ્યોર્જિયા સ્ટેટની ગ્વિનેટ કાઉન્ટીમાં શિક્ષિકા તરીકે ફરજ બજાવતા મૂળ વડોદરાના રોશની શાહે અમેરિકન પ્રેસિડેન્ટના એવોર્ડ સહિત અનેક એવોર્ડ મેળવી ભારત અને ગુજરાતનું નામ રોશન કર્યું છે.


શિક્ષક એટલે શિસ્ત, ક્ષમા અને કર્મ. આ ત્રણેય મૂલ્યોરૂપી જડીબુટ્ટી ઘૂંટીને વિદ્યાર્થીને જીવન અને નવજીવન બક્ષે તે જ સાચા શિક્ષક. આવા ગુણોને એનઆરઆઇ – ગુજરાતી શિક્ષિકા રોશની શાહે વિદેશની ધરતી પર ચરિતાર્થ કરી શિક્ષણ આલમમાં આગવું સ્થાન અંકિત કર્યું છે.


અમેરિકાના જ્યોર્જિયા સ્ટેટના એટલાન્ટામાં ગ્વિનેટ કાઉન્ટી આવેલી છે. આ ગ્વિનેટ કાઉન્ટીના એજ્યુકેશન ડિપાર્ટમેન્ટ દ્વારા કાઉન્ટીની સ્કૂલોના 11000 થી વધુ શિક્ષકોમાં નેતૃત્વ શક્તિ વિકસે તે હેતુથી લિડરશીપ ડેવલપમેન્ટ પ્રોગ્રામ ‘ટીચર્સ એઝ લિડર્સ’ શરૂ કરાયો છે. આ પ્રોગ્રામ માટે ગ્વિનેટ કાઉન્ટીમાં આવેલી સ્કૂલ્સના 11000 થી વધુ શિક્ષકોમાંથી 60 શિક્ષકોને પસંદ કરવામાં આવે છે. આ પસંદગીની પ્રક્રિયા ખૂબ જ કડક – જટિલ હોય છે. આ પ્રોગ્રામમાં સામેલ થવા ઇચ્છતા શિક્ષકોને વિવિધ લેખિત – મૌખિક અને પ્રેકટિકલ પ્રોસેસમાંથી પસાર થવાનું હોય છે. આ કઠિન પ્રક્રિયામાંથી ગ્વિનેટ કાઉન્ટીની સમરઅવર મીડલ સ્કૂલમાં ફરજ બજાવતા શિક્ષિકા મૂળ વડોદરાના રોશની કિન્તુ શાહ પસાર થઇ TAL પ્રોગ્રામમાં પસંદગી પામ્યા છે.

Advertisement


ટીચર્સ એઝ લિડર્સ પ્રોગ્રામ શિક્ષકોમાં નેતૃત્વશક્તિ ડેવલપ કરવા માટે છે. જેમાં શિક્ષકો સમાજના વિવિધ સમુદાયો તેમજ રાજ્ય અને રાષ્ટ્રીયસ્તરના નેતાઓ સાથે મુલાકાત ગોઠવી તેમનામાં રહેલા નેતૃત્વ કૌશલ્યોથી માહિતગાર થાય છે. એટલું જ નહીં શિક્ષણ અને બિઝનેશ સેકટર બંને સાથે સંકળાયેલા સમાજના આગેવાનો અને નેતાઓ પાસેથી નેતૃત્વના ગુણોનું ભાથું મેળવે છે. નેતૃત્વના ગુણોનું આ ભાથું પસંદ થયેલા શિક્ષકો પોતાના સાથી શિક્ષકો અને તેમના વિદ્યાર્થીઓને પીરસી તેમને કુશળ નેતૃત્વ કૌશલ્યથી સભર બનાવે છે.


શિક્ષક અને વિદ્યાર્થી લિડરશીપ કૌશલ્યથી શિક્ષણમાં સશક્ત બને છે : રોશની શાહ
TAL પ્રોગ્રામાં પસંદ થયેલા શિક્ષકો સમુદાયના આગેવાનો અને રાજ્ય તેમજ રાષ્ટ્રીય નેતાઓને મળે છે ત્યારે લિડરશીપ કૌશલ્યની અનેક બાબતો જાણવા-સમજવા મળે છે. સાથે એક નેટવર્ક ગોઠવાય છે. આ નેટવર્ક અને લિડરશીપ કૌશલ્યથી શિક્ષકો અને વિદ્યાર્થી શિક્ષણમાં સશક્ત બને છે તેમ િશક્ષિકા રોશની શાહે જણાવ્યું હતું.


રોશની શાહે અમેરિકન પ્રેસિડેન્ટ એવોર્ડ સહિત વિવિધ સન્માનો મેળવ્યાં
રોશની શાહે જ્યોર્જિયા સ્ટેટની ગ્વિનેટ કાઉન્ટીમાં વર્ષ 2006 થી ઇન્ટરનેશનલ કોમ્યુનિટી સ્કૂલથી વોલ્યુન્ટર તરીકે શિક્ષક તરીકેની કારકિર્દીનો પ્રારંભ કર્યો હતો. ત્યારબાદ રોશની શાહે એક પછી એક વિવિધ સન્માન-એવોર્ડ મેળવ્યા છે. જેમાં તેમણે પૂર્વ અમેરિકન રાષ્ટ્રપતિ જ્યોર્જ ડબલ્યુ બુશના સમયે પ્રેસિડેન્ટસ વોલ્યુન્ટર સર્વિસ એવોર્ડ, મેથ્સ અને સાયન્સ વિષય માટે સુપ્રિન્ટેન્ડન્ટ્સ ડિસ્ટીગ્વિસ્ડ એચિવમેન્ટ એવોર્ડ અને 2014 માં ટીચર્સ ઓફ ધ યર નો ગૌરવાંન્વિત એવોર્ડ મેળવ્યો હતો.

Advertisement
Advertisement
Click to comment

Leave a Reply

Your email address will not be published. Required fields are marked *

NRG

IPS સ્વ. કેસરીસિંહ ભાટીના પુત્રએ ન્યુયોર્કમાં પોલીસ ઓફિસર બની ગુજરાતનું નામ વિશ્વ ફલક પર રોશન કર્યું

Published

on

  • ધો.12 સુધી સુરત,બરોડા અને અમદાવાદમાં અભ્યાસ પૂર્ણ કરી અમેરિકામાં કોલેજ બાદ સીવીલ સર્વિસીસની પરીક્ષા પાસ કરી સિદ્ધિ મેળવી
  • ગત માસમાં જ રાજ્યના મુખ્યમંત્રીશ્રી ભુપેન્દ્રભાઈ પટેલે સ્વ.ભાટીની વિશિષ્ઠ સેવા બદલ તેમની પત્નીને ચંદ્રક એનાયત કર્યો

પિતાએ આઇપીએસ ઓફિસર તરીકે ગુજરાત પોલીસ ખાતામાં પ્રશંસનીય ફરજ બજાવી હતી. જે બદલ મરણોત્તર ચંદ્રક રાજ્યના મુખ્યમંત્રીશ્રીના હસ્તે ગત મહિને એનાયત કરાયો હતો ત્યારે તેમના પુત્રએ સ્વર્ગસ્થ પિતાનું સપનું સાકાર કર્યું હોય એમ વિશ્વની સૌથી મોટી અને ચુનંદા પોલીસ ફોર્સ તરીકે ગણાતી અમેરિકાના ન્યૂયોર્કમાં પોલીસ ઓફિસર તરીકે પોસ્ટિંગ મેળવી સમગ્ર વિશ્વમાં માત્ર અમદાવાદ નહીં પણ ગુજરાતનું નામ ઝળહળતું કર્યું છે.


ગુજરાત પોલીસમાં વરિષ્ઠ અધિકારી તરીકે સેવા આપી ફરજ દરમિયાન અવસાન પામેલા તત્કાલીન અમદાવાદ રેન્જ આઈજી કેસરીસિંહ ભાટી (IPS)ના પુત્ર જયદેવસિંહ ભાટીની અમેરિકાના ન્યુયોર્ક પોલીસ ડિપાર્ટમેન્ટમાં પોલીસ ઓફિસર તરીકે તાજેતરમાં નિયુક્તિ થઈ છે.


ભારતમાં પીએસઆઇની સમકક્ષ ગણાતા આ પદ ઉપર જયદેવસિંહ ભાટી શરૂઆતના 6 માસ દરમિયાન ન્યુયોર્ક શહેરના 4 પોલીસ મથકોમાં તેમના ઉપરી અધિકારી સાર્જન્ટ અને લ્યુટેન્ટના હાથ નીચે તાલીમી અધિકારી તરીકેનો અનુભવ લેશે. ત્યારબાદ તેમને વિશ્વના સૌથી મોટા ગણાતા ન્યૂયોર્ક પોલીસ ડિપાર્ટમેન્ટમાં પોસ્ટિંગ કરાશે. 26 વર્ષના જયદેવસિંહએ અમેરિકામાં ક્રિમિનલ જસ્ટિસમાં એસોસિયેટ ડીગ્રી હાંસલ કર્યા બાદ સીવીલ સર્વિસીસની પરીક્ષા આપી હતી.

Advertisement

જેમાં સફળતાપૂર્વક ઉર્તીણ થયા બાદ તેમને પીએસઆઇની સમકક્ષ પોલીસ ઓફિસર તરીકે ન્યુયોર્ક શહેરમાં નિમણૂક મળી છે.
જયદેવસિંહના પિતા 1996 થી 1999 સુધી વલસાડમાં વિભાગીય પોલીસ વડા હતા ત્યારબાદ સુરત જિલ્લા પોલીસ વડા તરીકે કાયદો વ્યવસ્થા સાંભળી હતી. બાદમાં અમદાવાદ રેન્જ આઈજી તરીકે બઢતી થઈ હતી. ચાલુ ફરજ દરમિયાન તેમનું દુઃખદ અવસાન થયું હતું.ગત માસમાં ગાંધીનગર ખાતે મુખ્યમંત્રીશ્રી ભુપેન્દ્રભાઈ પટેલના હસ્તે રાજ્યની વિશિષ્ઠ પોલીસ સેવા માટેનો ચંદ્રક એનાયત કરાયો હતો જેને સ્વ. કેસરીસિંહ ભાટીની ધર્મપત્ની નિપાબા ભાટીએ સ્વીકાર્યો હતો.
અત્રે ઉલ્લેખનીય છે કે, જયદેવસિંહે ધો.12 સુધીનો અભ્યાસ અમદાવાદની સત્વ વિકાસ સ્કૂલમાં કર્યો હતો. પિતાની પોલીસ ખાતામાં ટ્રાન્સફરેબલ જોબ હોવાથી તે પહેલાનો અભ્યાસ સુરત અને બરોડામાં પૂર્ણ કર્યો હતો. ત્યારબાદ કોલેજ ન્યુયોર્કમાં કરી આ ગૌરવવંતી સિદ્ધિ મેળવી ગુજરાતના સમસ્ત રાજપૂત સમાજનું પણ ગૌરવ વધાર્યું છે.

Advertisement
Continue Reading

Trending