• ડભોઇ નજીક વેગા ચોકડી પાસે આવવાના હોવાની બાતમીના આધારે પોલીસે વોચ ગોઠવી
• છોટાઉદેપુરનો એક અને રાજસ્થાનના બે શખ્સોને બે માઉઝર પિસ્તોલ સાથે પકડ્યા

વડોદરા જીલ્લા SOG પોલીસે બાતમીના આધારે ડભોઇ ના વેગા ચોકડી પાસે ત્રણ ઇસમોને બે જ્ર્ટલી માઉઝર પિસ્તોલ સાથે ઝડપી પાડ્યા હતા. પોલીસે તેઓની ધરપકડ કરીને પિસ્તોલ ક્યાંથી લાવ્યા અને કોણે આપવા જતા હતા તે દિશામાં તપાસ આરંભી છે.

ડભોઇ નજીક વેગા ચોકડી પાસે ત્રણ ઈસમો માઉઝર પિસ્તોલ લઈને ભેગા થવાના હોવાની બાતમી વડોદરા જીલ્લા SOG પોલીસને મળી હતી. જે બાતમીના આધારે પોલીસે વોચ ગોઠવી હતી. બાતમી પ્રમાણે ત્રણ વ્યક્તિઓ ભેગા થતા જ પોલીસે તેઓને દબોચી લીધા હતા.

અંગ જડતીમાં તેઓ પાસેથી બે જેટલી દેશી બનાવટની માઉઝર પિસ્તોલ મળી આવી હતી. જયારે આ હથીયાર ક્યાંથી લાવ્યા અને કોણે આપવાનું હતું તેંગે પોલીસે વધુ પૂછપરછ આરંભી છે. સાથે સાથે હથિયારનો ઉપયોગ કોઈ ગુન્હાહિત પ્રવુત્તિમાં કરવામાં આવ્યો છે કે કેમ તે દિશામાં તપાસ શરુ કરી છે.

પાલિકાના વોટર ટ્રીટમેન્ટ પ્લાન્ટમાં રહેતા બે પરપ્રાંતીય આરોપીઓ
પકડાયેલા આરોપીઓ પૈકી રાકેશ મગનરામ જાટ અને સત્યનારાયણ મુલારામજી જાટ આ બંને આરોપી મૂળ રાજસ્થાનના શેરગઢ જોધપુરના રહેવાસીઓ છે જયારે હાલ તેઓ વડોદરા મહાનગર પાલિકાના નિર્માણાધીન સિંધરોટના વોટર ટ્રીટમેન્ટ પ્લાન્ટની ઓરડીમાં રહેતા હતા. બને આરોપીઓ અહી રહેતા હોય તેઓને કામે રાખનાર ઈજારદાર દ્વારા તેઓની જાણકારી પોલીસને આપી છે કે કમ તે અંગે સવાલો ઉભા થયા છે. જયારે અન્ય એક આરોપી નીલેશ રમેશભાઈ રાઠવા છોટાઉદેપુર જીલ્લાનો વતની હોવાનું પોલીસે જણાવ્યું હતું.