રાજ્યના તમામ જિલ્લાઓમાં સરકાર દ્વારા કરેલ વિકાસ ની કામગિરી સહિત હાલમાં પ્રજાને શુ જરૂરિયાત છે તે અંગેની માહિતી મેળવવા માટે ભાજપા દ્વારા સમગ્ર રાજ્યના જિલ્લાઓમાં વર્તમાન ધારાસભ્યના ત્રિદિવસીય રાજકીય પ્રવાસનું આયોજન કરવામાં આવેલ છે. આ આયોજનના ભાગરૂપે વડોદરા જિલ્લાના સાવલી તાલુકાના ધારાસભ્ય કેતન ઇનામદાર છોટા ઉદેપુર જિલ્લાના પ્રવાસે પહોંચ્યા હતા..

સાવલીના ધારાસભ્ય કેતનભાઈ દ્વારા જિલ્લાના વડામથક છોટા ઉદેપુર ખાતેના ભાજપા કાર્યાલય ખાતે સૌ પ્રથમ કાર્યકરો અને પાર્ટીના હોદેદારો સાથે પરિચય બેઠક કતી હતી ત્યાર બાદ ધારાસભ્ય કેતન ઇનામદારે ભાજપના કાર્યકરને ત્યાં ભોજન.લીધું હતું. અહીં મહત્વનું રાજ્ય સરકાર દ્વારા રાજ્યના તમામ જિલ્લાઓમાં સરકારની વિવિધ યોજનાઓ તેમજ વિકાસલક્ષી કામગીરી ની સમીક્ષા કરવા માટે સરકાર દ્વારા આ એક નવતર પ્રયોગ હાથ ધરવામાં આવ્યો છે.

જેના ભાગરૂપે રાજ્ય સરકારના વર્તમાન ધારસભ્યો અને મંત્રીઓ દ્વારા અરસપરસ ના જિલ્લાઓમાં ત્રણ દિવસ માટેનો રાત્રી રોકાણ સાથેનો રાજકીય પ્રવાસ યોજવાનું આયોજન કરવામાં આવ્યું હતું. સાવલીના ધારાસભ્ય કેતન ઇનામદારે છોટાઉદેપુર જિલ્લાની જે સૌથી અંતરિયાળ જિલ્લા પંચાયતની સીટ છે.

તેવા સનાળા શક્તિકેન્દ્ર અંતર્ગત જઠયાળા પંચાયત બેઠક ખાતે હાજર રહીને ગ્રામજનો સાથે સંવાદ કર્યો હતો. આ વિસ્તારની આદિવાસી જનતા દ્વારા પરંપરાગત આદિવાસી નૃત્ય કરીને ધારાસભ્ય નું સ્વાગત કર્યું હતું. તો ધારાસભ્ય કેતન ભાઈએ નાગરીકો સાથે વાર્તાલાપ કરીને તેમની સમસ્યાઓ અને સુવિધાઓ અંગેની માહિતી મેળવી હતી.

સ્થાનિક રહીશો દ્વારા પ્રાથમિક શાળાના ઓરડા સહિત પાકા રસ્તા અને વીજળીના મીટર નહિ મળ્યા અંગેની રજૂઆત કરવામાં આવતા તેઓ દ્વારા જિલ્લા વિકાસ અધિકારી અને એમ.જી.વી.સી.એલના અધિકારી સાથે ટેલિફોનિક વાત કરીને સમસ્યા નું નિરાકરણ લાવવા માટે રજુઆત કરી હતી..